Есыҽны Абиблиа аԥхьара иҳацхраауа алабжьарақәа

Ҳара зегьы ирацәаны аусқәа ҳамоуп. Убри аҟынтә есыҽны Абиблиа аԥхьара ҳцәыуадаҩзар алшоит (Иис. Н. 1:8). Ус шәыхьуазар, ҵаҟа иаагоу алабжьарақәа руак шәхы иашәырхәа.

• Шәҭел ишәгәаланаршәалартә ишьақәшәыргыл. Шәҭел Абиблиа ишаԥхьатәу есыҽны ишәгәаланаршәалартә ишьақәшәыргыл.

• Абиблиа иахьубарҭоу аҭыԥ аҿы иқәҵаны ишәымаз. Икьыԥхьу Абиблиа шәаԥхьозар, иахьубарҭоу аҭыԥ аҿы иқәҵаны ишәымаз (Ҩынтә. 11:18).

• Аудионҵамҭақәа шәырзыӡырҩла. Шәусқәа шәанырҿу, урҭ шәырзыӡырҩла. Абар пионерс амаҵ зуа, ахәыҷқәа змоу, уахынла аус зуа Та́ра илҳәо: «Аҩнтәи аусқәа санырҿу, Абиблиа аудионҵамҭақәа сырзыӡырҩуеит. Уи абзоурала Абиблиа самыԥхьаӡакәа мышкгьы цаӡом».

• Шәгәы кашәмыжьын. Абиблиа аԥхьара ак шәԥырхагахазар, шәышьҭалаанӡа жәеинраалақәак шәрыԥхьар шәылшоит. Есыҽны жәеинраалақәак шәрыԥхьаларгьы, уи ахәарҭа ду шәзаанагоит (1 Пиотр 2:2).