Ọdaphan Ịpe ạ Mạk Ạge Bọ
16 A Ḍio Ophooghian phọ reten, kụ a Meri Mạgdạlin, ra Meri onhiin phọ a Jems, rạ Sạlomi ọghi ogho rạraar dị ẹmhoogh ịma eḍu pịdi otu ogbul ḍizu phọ a Jizọs. 2 Kụ eḅon ạḍiroor ạḍiḅel aḍio awiki phọ, mem dị erumhuḍio memite, bịdi uru ni osi sịphe oḍi phọ 3 Kụ oniin apuru ghan nyoniin mọ: “Ạnhian kụ kuukilhemhinhaan bọ iyira ḍighiigh phọ opukiom bọ ọnhu oḍi phọ?” 4 Kụolo bịdi ropogh bọ, bịn ọmhiin dị mookilhemhi ḍighiigh phọ ọsighe, ghạlhamo r’ịduon ẹbugh bọ ni iboom. 5 Bịdi roḍigh sịphe oḍi phọ, kụ ọmhiin ọnyo ugheel ọony dị ạrol ḍịghaagh elhiom oḍi phọ, dị ạkpolhoghian ọphalhaḅaal ọgorogoro ạsuoma, kụ eḍighi iikia esi ạbidi. 6 Kụ ọdi ạḅenhi bịdi mọ: “Kíḍighi iikia esi anyinha. Mị alegheri mọ nyinha rẹwa ghan Jizọs ọpo ạ Nạzạrẹt phọ ọkan bọ oghiigh sịphe oreeny phọ. Moḅeton nyọdi esi aḍuugh. Ọdi ólho mụn sịen. Ịmiin, sịen kụ esi phọ ọmhunheeny bọ nyọdi. 7 Kụolo ịki ẹḅenhi bụmatuan phọ ọdi ra Pita mọ, ‘Ọdi mịphur inyinha anyeenhe ẹpe Gạlili. Nyinha kẹmiin ni nyọdi ẹpe phọ ịdipho ọdi ịḅenhi bọ inyinha.’” 8 Esi ịduon phọ, bịdi omite bọ ughilhighu ni ọḅua ẹpe oḍi phọ odi bọ, r’asiloor dị repiigha r’aruugu dị rasiph bịdi. Kụ bịdi oye ịyaar ụ́ḅenhi loor oghiilhaan.*