EKPỊGH 9

AParadaịs phọ Katu Oghẹn Amem?

Iiḅaghamị phọ edi bọ siẹn ade phọ reḍeenaan ghan mọ Omạr phọ Enaạn kanuụn ni aḍighi iyaạr amiteom. Luk 21:10, 11; 2 Timoti 3:1-5

Ikarạph araraạr dị eetura siẹn asiiḍio aruukuna aḅirini phọ—iko, araaghạm, areezẹgh, ekuom ariiḍien, enaghanạn aburudẹ r’aburunhiin, ḅilhẹ r’iiḅaghamhị olhoghotu

ABaibul phọ amiịn ni imiịn ilọ ibadị araraạr phọ remiteghu bọ rodon. Odị aḅẹm mọ aweye kopomoghiạn ikpoki, oḅaạr emụ esi odẹ r’onhiin, omoọgh igbagbaar, ḅilẹ opomoghiạn eedughạ.

Igbogh ophiigha arere, araaghạm, ekuom ariiḍien, ḅilẹ r’areezẹgh dị keleeny eleeny ketọl li. Araraạr phọ iphẹn phọ remiteghu ni nyiidiphọ.

Onyọ Ogbaanaạn AJihova dị rakaạph ghan iiḅi iinaghạn phọ ilọ Omạr phọ kaḅenhị oye

Bilẹ kẹn, aJizọs aḅẹm mọ iiḅi iinaghạn ilọ Omạr phọ kokaạph ni oomo isiẹn ade phọ.—Matiu 24:14.

Omạr phọ kasiemi eekuna oomo asipioghọm. 2 Pita 3:13

Ropiemhi ghan buọ asipioghọm siphẹ eghạm mọ Amagedọn, kụ aJizọs raliọm ghan Setạn r’ikarạph aruwaloor phọ odị

AJihova moọny amem kapiemi ni oomo abuọ asipioghọm mọ.

Setan r’ikarạph aruwaloor phọ koliọm ni.

AJizọs atolhọm agadạ itooghị phọ odị epẹ k’akẹ kụ awe kirokirọ robo ghan

Abuphẹ onaghanạn bọ Enaạn kokpetenaan ni oḍigh omoom aḅirini elhiom eḍighinom iyaạr, esi dị oghiilaan ka/tọl mun, aḅirini dị awe oniin kaḍuom ologhi nyoniin oḅilẹ opomoghiạn.