Iyaạr Oghiọm Ologhi Burudẹ r’Aburunhiin

Eeghe kụ inmo dị enighẹ epeleghiom dị nạ kangọ nmụny anạ? Bidị omoghi ni ibadị araraạr, eḅarạm ni ephomoghiạn anạ, iiḅakị, ḅilẹ r’oghoph anạ. Idị epel oomo phọ inẹ, ii, inmo dị emạn maạr epeleghiom dị nạ kangọ bidị pọ olhegheri-iyaạr aJihova r’igey phọ edi bọ siphẹ Ekpo-onhụ phọ odị, aBaibul phọ. (Jọn 17:3) Odọ olhegheri-iyaạr phọ ophọn phọ kaloghonaạn ni iḅam-anmụny phọ anạ ḍighaạgh ophoph ophomoghiạn aJihova kụ okumu odị r’oomo ekpom, ghalamọ r’asiạ eghoroghọr abidị.—Matiu 21:16.

Ibadị aburudẹ r’aburunhiin mowaaghị omiịn mọ iphurukpu ibạm-anmụny rokem ghan konaghanạn ituughạ r’arukumuan dị ekper. Eḅaạl li ologhi ayoor agey, esi iduọn phọ, omiteom aḍinyạ phọ aḍiẹn phọ, Ituughạ aBaibul Amị. Torobọ ekpịgh ituughạ omakạ osighẹ otughemiọm eten dị edugh onaghanạn. Araraạr phọ ipẹ odorọ yogh bọ ḅilẹ r’igẹ phọ edạph bọ pạ ukạr otuạn ibạm-anmụny iraạr asiạ kụ esoor ude kụ ookolobian bọ. Opumom ni iromoghiom ilọ arukumuan dị kokumuan. Aḍinyạ phọ aḍiẹn i/ḍighi yaạr ephegh dị ibạm-anmuny kosighẹ opeghom ghan ephegh. Kparipẹ ghun ni umakạ idị nạ kabạl ghan r’ibạm-anmụny phọ anạ, bịn esi iduọn phọ emiteom oghaaphạn ghan.

Yoor okuphom ni owol mọ aḍinyạ phọ aḍiẹn phọ keḍighi ni yaạr ologhonaạn aḍighaạgh engọ nyinạ iduọn nạ ratughemị bọ ibạm-anmụny phọ anạ igey aBaibul phọ “k’eghoroghọr.”—2 Timoti 3:14, 15.

Abumor phọ anyina,

Aloor phọ Repogh bọ Bugbaanaạn aJihova

[Afoto phọ odi bọ opoḍi phọ 3]