Idị nạ katue amooghọm suọ ituughạ aBaibul phọ iphẹn phọ
Pụr aphogh oghaạph ookaragh phọ, kụ aphegh VIDIO phọ.
OḄẸL AGẠ PHỌ
Ookolhobian atorobọ esi ituughạ phọ, bạl oḅẹl agạ phọ. Asipuru phọ ogeọm bọ ikpakara ikpo phọ (A) r’ariisi aBaibul phọ (B) ekaạph eegholhomhi ikpanhạ araraạr phọ. Lọgh elhegh mọ iniin ariisi aBaibul ogẹ mọ “ibạl.”
OGBO PHỌ
Iḅẹl igẹ phọ (C) edi bọ eeḍiạn Olhegheri Obughẹ ekaạph ekol raraạr phọ kooḅeghiọn bọ. Ibạm arumhuoghaạph phọ (D) ekaạph eekaragh ikpanhạ araraạr phọ. R’otughemhiạ phọ anạ, bạl riisi aBaibul phọ, aphanyanhaạn sipuru phọ, aḅilhẹ aphogh sividio phọ.
Isiphẹ ogẹ bọ mọ AVIDIO phọ kesighẹ nyinhạ ekị eḍeenhaan sividio r’ilọ onhaghanhạm arurụ dị eghaạph aani ilọ igẹ phọ. Iniin asividio phọ ekaạph ilọ araraạr dị emiteghu. Inhọn eḍighi regberi araraạr dị i/mite obobọ i/mitenhaan we, kuolọ eḍeenhaan raraạr dị remiteghu ghan ni.
Pogh sifoto phọ r’igẹ asifoto phọ (E), kụ aatughiạn ilọ nạ kapagharanhaạn pakirị phọ ogẹ bọ mọ Abuniin Awe Ootughiạn Mọ (F).
EEKUNHA PHỌ
Oghaạph Ookaragh ḅilhẹ r’Ooḅula (G) kụ rekureriom ghan esi ituughạ phọ. Gẹ ḍio phọ omhadạn bọ esi ituughạ phọ. Aḍiigbu (H) ekaạph iyaạr dị nạ kaḍighi. Waaghị Amhiịn (I) epamhanhạm raraạr dị eeni keḅeraạn ni nyinhạ aạl obobọ ophogh.
Ilọ orue omhiịn ariisi aBaibul phọ
ABaibul phọ apạm 66 ibạm arinyạ. Kụ odi Baibul phọ iyạl agạ: Igẹ Iigbia aHibru r’Aramaic (“Old Testament”) ḅilhẹ r’Igẹ Iigbia aGrik (“New Testament”).
Ariisi aBaibul dị omạ siẹn aḍinyạ phọ, remiighom ghan ḍien aḍinyạ aBaibul phọ (A), kụ edị etum pạ pọ emhụ phọ (B), ḅilhẹ r’ekpịgh phọ obobọ asiikpịgh phọ (C).
Esi omaạm, Jọn 17:3 remạ ghan ḍinyạ aJọn, emhụ phọ 17, ekpịgh phọ 3.