ẠḌUOR PHỌ 161
Ịḅeraan Ni Ịmhi Oḍighi Ogbi Phọ Ạna
(Psalm 40:8)
1. Oḍighi‿ogbi ph’ạna, Jehova,
ịkar kụ‿ẹḅeraan Ọony ph’ạna.
Mem m’aphun bọ‿Ọphiiny ạ Jọdạn phọ,
asopha‿oḍighi‿ogbi‿ạna.
Ạḅaalhamhi ni ḍien ph’ạna‿agey,
kụ‿ạkpar apu‿ọdegh ophogh.
Aḍighi‿oomo‿ịpe‿ọdi katue bọ;
mị kạtuughaany ni nyọdi.
(OMHEERAAM)
Mị mạngo nyịnha‿ịnyaam ạmhi;
kụ rịngo n’ịmhi‿iboom ibo.
Oḍighi ghan ogbi ph’ạna
ẹkar kụ‿ịḅeraan ịmhi.
Nạ mụngo‿ịmhi‿oḍuom olhoghi;
n’ạkar k’ụphomhoghian ịmhi.
Mị kạdaph ni ḍịḅaal ph’ạna.
Mị‿ạnya ni‿oḍighi‿aani ghan
ogbi ph’ạna.
2. Mị‿ạmoogh ni‿ogey ọḅaal olhoghi
sịen mị rakumu bọ nyịnha.
Kụmhagh n’ịmhi‿ọgbaam ghan ḍien ph’ạna,
kụ‿ịmhi kị́pher omheera.
Igey phọ, mị kagbeelhom ghan ni;
akumuan r’abumor phọ.
Mị kaḍighi ni‿ọgbaanhaan ạna,
akuenhi‿aani ḍien ph’ạna.
(OMHEERAAM)
Mị mạngo nyịnha‿ịnyaam ạmhi;
kụ rịngo n’ịmhi‿iboom ibo.
Oḍighi ghan ogbi ph’ạna
ẹkar kụ‿ịḅeraan ịmhi.
Nạ mụngo‿ịmhi‿oḍuom olhoghi;
n’ạkar k’ụphomhoghian ịmhi.
Mị kạdaph ni ḍịḅaal ph’ạna.
Mị‿ạnya ni‿oḍighi‿aani ghan
ogbi ph’ạna,
oḍighi‿ogbi ph’ạna.
(Mịin kẹn Ps. 40:3, 10.)