Araraạr Ituughạ Dị Edi Siphẹ Aḍinyạ Phọ AJonah

AJihova amaạr ri aako aseere siphẹ ekpo-onhụ phọ odị, raraạr dị emiteghunhaan lhephiri r’anmariịr omheeraam, osighẹ otughemhiọm ayira imạ araraạr. (Rom 15:4) Nạ atuughạ eeghe siphẹ aḍinyạ phọ aJonah? Pogh vidio phọ: Family Worship: Jonah—Learning From Jehovah’s Mercy, kụ aphanyanhaạn sipuru phọ edaphạn bọ siẹn:

• Eeghe ipaanhaạn kụ edị iraạr abukaaphọm mọ oḍeenhaan bọ siphẹ avidio phọ, osoman?

• Aḍinyạ phọ aJonah kelọgh ika ḍighaạgh, eḍighi maạr dị ulhiọm iyira obobọ yira oroph eepoogh arukumuan siẹn ookpomhoghan phọ? (1Sa 16:7; Jon 3:1, 2)

• Eḍeenhaan ph’aJonah kilhoghonhaạn iyira ika ḍighaạgh ophamhanhạm egey ephoghom oghị esi ekool ph’ayira epẹ erugh phọ? (Jon 4:11; Mat 5:7)

• Mem dị yira osoman egbagarạ e/moon, ika kụ idị ipẹ emitenhaan bọ Jonah kilhoghonhaạn iyira ḍighaạgh? (Jon 2:1, 2, 7, 9)

• Avidio phọ ophọn atughemhị nyinhạ eeghe ilọ asuọ dị odi aạl ghan aBaibul phọ kụ ogbiran ghan?