Orophomhi Asighalhanyạ Phọ Ayira epẹ Erugh phọ​—Osighẹ Ghan Asipuru Oḍighinhom Eten Dị Emhoon

IYAẠR PHỌ EMHẠN BỌ NI MAẠR: ‘Iitughiạn oye etọl idiphọ amuụm dị akẹl,’ kụ asipuru ekịgh idiphọ akuruma, okpạ omiteom. (Pr 20:5) Asipuru remiteom ghan eepoogh dị abuphẹ yira rotughemhị bọ koḅạ aani eḍọgh. Asipuru dị emhoon kekạr kụ eḍur emiteom ipẹ edi bọ olhoghi ph’odị. AJizọs aḍighinhom sipuru eten dị emhoon. Yira kotuughaạny ika nyodị?

IPẸ KOḌIGHI BỌ:

• Puru sipuru dị odị kasighẹ iitughiạn odị kụ akaaphọm. AJizọs apuru ghan ni sipuru bumatuạn phọ odị, onhaghạn aani aḍiitughiạn abidị. (Mat 16:​13-16; be 238 ¶3-5) Ighẹn odọ asipuru kụ edị nạ katue apuru aani?

• Puru sipuru dị k’eegholhomhi oghaạph phọ. Oolemhi iitughiạn phọ aPita, aJizọs apuru ni nyodị sipuru, kụ aḅilhẹ angọ ophanyanhaạn dị aalemhi ḍiitughiạn phọ aPita. (Mat 17:​24-26) Ighẹn asipuru oogholhomhi oghaạph phọ, kụ edị nạ katue apuru?

• Sẹph ghan buphẹ nạ ratughemhị bọ. AJizọs asẹph ni otughemhiạ iiIhogh dị “akuamhị aphagharanhaạn ḍipuru.” (Mạk 12:34) Nạ kasẹph aani ika oye dị aphagharanhaạn ḍipuru?

POGH OḄẸL APAKIRỊ AVIDIO PHỌ: ḌIGHI OḌIGHI PHỌ AJIZỌS AḌIGHI BỌ​—TUGHEMHỊ, KỤ APHANYANHAẠN SIPURU PHỌ EDAPHẠN BỌ SIẸN:

• Uḍighi ika kụ ephẹn phọ eru bọ ekarạph eten itughemhị, ghalamọ r’iduọn odị aghaạph bọ ni ipẹ eru bọ inẹ?

• Uḍighi ika kụ ewạ bọ mọ yira oḍighi idị epelhom oghaạph oogelhiọn bịn?

POGH PAKIRỊ AVIDIO PHỌ ATUM BỌ SIẸN, KỤ APHANYANHAẠN SIPURU PHỌ EDAPHẠN BỌ SIẸN:

• Onyọ umor phọ aḍighinhom ika sipuru eten dị emhoon?

• Ighẹn inhọn asighalhanyạ itughemhị onyọ umor phọ kụ edị yira kotuughaạny?