Uḍien Dị Akparamhị Omheeraam

9:1-7

Gbiom olhoghi ipẹ aJizọs alhoghoma bọ mem mọ odị anhaghạn bọ ipẹ Odẹ k’akẹ phọ odị agbeelhom bọ pạ uḍien phọ odị anmia bọ mọ Onọ apomhoghiạn nyodị. Dị iikia i/lo, iphẹn phọ kụ ikparamhị bọ Jizọs okparạm imhinimiịn phọ odị asoman bọ. Uḍien phọ amoọgh ni egey etirom esi aPita, Jems, r’aJọn. Loor esi dị akparamhị omheeraam mọ abidị mọ aJizọs kụ aMesaya phọ ni, ḅilhẹ bidị ozuạ ni imạ onhaghanhạn odị. 32 asiạ reten, aPita aḅilhẹ ni aatughiạn ipẹ emite bọ, r’ipẹ ekparamhị bọ omheeraam m’odị esi “adom mọ ariil phọ Enaạn ogbeelom ghan bọ”.​—2Pit 1:​16-19.

Ghalhamọ r’iduọn yira u/miịn aani bọ uḍien phọ ophọn atir bọ ni iduọn oye, yira romiịn ni omhunhughan phọ. AJizọs nyiidiphọ Ratooghị r’iikpọ. Moọny amem, odị “k’akaaghị reelhe” phọ, amiteom omhoom aḅirinhi dị elhiom eḍighinhom iyaạr kụ k’etọl.​—Ogan 6:2.

Ika kụ idị omhunhughan imiịn aBaibul phọ ekparamhị omheeraam mọ anạ?