APọl Asighẹ Ḍighiton Phọ Aghiomaạn Siza kụ Aḅilẹ Angọ Ogbaanhaạn Uw-emhạ Phọ Herọd Agripạ

25:11; 26:1-3, 28

Ii obọ i/wạ mọ okaphian oomiigh ilọ ipẹ yira kokaạph bọ mem dị usighẹ iyira oghị “esi abudaạm eelhe r’aruw-emạ,” yira ookolobian ghan ni “oomo amem ophagharanaạn” dị yira kongọ ghan torobọ oye lọ apuru emụ oḍuom ologhi phọ ayira. (Mat 10:18-20; 1Pit 3:15) Eḍighi maạr dị abuọ isophoghom okọm “iiḅaghamị esi aḍien olhogh phọ,” ika kụ idị yira kotuughaạny eḍeenhaan phọ aPọl?—Ps 94:20.

• Yira rosighẹ ghan ni elhiom mọ ayira odaphạn olhogh phọ kogbạ omeremiọm iiḅi iinaghạn phọ.—Iiḍ 25:11

• Yira rolọgh ghan ni eegu buọ itooghị phọ mem lọ yira rokaaphạn bidị.—Iiḍ 26:2, 3

• Eḍighi maạr lọ ewạ kẹn ni, yira romạ ghan ni k’oḍeenaan bidị odọ asuọ dị iiḅi iinaghạn phọ m’ingọ iyira r’abunhọn awe.—Iiḍ 26:11-20