Orophomhi Aḍighalhanyạ Phọ Ayira Epẹ Erugh Phọ—Ogẹ Aḍinyạ dị Kengọ Ogey Ogbaanhaạn

IYAẠR PHỌ EMHẠN BỌ NI MAẠR: Aḍinyạ 1 Korịnt aḍiniin esi 14 arinyạ dị aPọl agẹ okparamhiọm aKristẹn phọ. Ogẹ aḍinyạ rengọ ghan oye mem oselẹ ikpo onhụ, kụ opọ ogẹ bọ rokiọm katue ni abạl ibadị amem. Ogẹ aḍinyạ phọ aḍighi kẹn emạ eten ongọ ogbaanhaạn siya anạ r’awe dị nạ alhegheri. Eḍighi kẹn enhọn emạ eten ongọ ogbaanhaạn we dị ukparanaạn iyira omhiịn oghaaphạn. Esi omaạm, oye katue ni aḍeenhaan ḍiḅeraạn kuolọ ro/miịn ghan olhoghi otu. Ibadị awe siphẹ ekool phọ ayira rekpạr ghan ni oteẹny oghaaphạn, eeni otugh otu dị oghoony, obobọ rikpisi dị ekelọgh. Eeghe araraạr kụ ikpẹ oseere olhoghi, ekạr ekpaariọm mem lọ rogẹ koghiọm ooruen?

IPẸ NẠ KAḌIGHI BỌ:

• 

  Gẹ ipẹ nạ kụ aghị raloor nạ m’ukaạph bọ. Kola ḍien anạ pạ emhiighom aḍinyạ phọ, aghaạph iyaạr phọ eḍighi bọ kụ nạ agẹ bọ. Nạ atue ni apuru ḍipuru lọ odị kaatughiạn ilọ ophagharanhaạn, aḅilhẹ asighẹ aghị siphẹ awebsite phọ ayira. Kụ aḅenhị nyodị ilọ Online Bible Study Lessons phọ, obobọ mạ aḍeenhaan nyodị edeọm mọ epẹ yira rokị ghan bọ ilhoghi aruutu kotughemhị Baibul phọ we, obobọ aḍeenhaan nyodị iniin arumhuoghaạph siphẹ arinyạ ituughạ phọ ayira. Nạ katue ni aloghọm pạ envelop phọ ḍinyạ, iduọn akontạkt kạd, aḍinyạ aḍimạgh, obobọ atrạkt

• Gẹ key. Aḍinyạ phọ nạ ragẹ bọ ki/doọny iboom obọ odị kabilhẹ ghan bọ aạl.—Miịn eḍeenhaan ilọ ogẹ phọ siphẹ opoḍi phọ

• Maạr aạl aphogh mọ opiomạn o/lo, ḅilhẹ m’edugh ni aạl. Gẹ idiphọ oye dị nạ alhegheri, r’amagheel, ḅilhẹ r’imạ eten. Miịn mọ nạ stạmp ni envelop phọ