Wạ Itughemhị Phọ Ipẹ K’Enaạn

IYAẠR PHỌ EMHẠN BỌ MAẠR: Ogbogh otomoghiom mọ, aZihova, rungọ ghan iyira itughemhị dị enighẹ epelhom. Odị rutughemhị ghan iyira ilọ onhighemhị adọl aghuḍum mọ ayira aḅilhẹ runyaamhị ghan iyira ilọ orọl aani imạ aghisigh phọ ratu bọ—oomo phọ iphẹn phọ iyaạr u/kpẹ! (Isa 11:6-9; 30:20, 21; Ogan 22:17) Dị eego esi itughemhị phọ k’Enaạn, aZihova runyaamhị ghan iyira oghị oḅenhị aani abunhọn dom dị repẹl sighuḍum.—2Kọr 3:5.

IPẸ NẠ KAḌIGHI BỌ:

• Neeneghị eegharạ osooromhi aloor ḅilhẹ r’oyoghoyoghọ.—Ps 25:8, 9

• Meeraam osighẹ itughemhị ph’aJihova r’angọ bọ nyinhạ nyiidiphọ, idiphọ oḍighi aani ghan asaimẹnt siphẹ ituughạ ogboku awiki phọ

• Konyị siigbu obughẹ arukumuan ph’anạ.—Fil 3:13

• Gbariọn radạ dị kenyaamhị nyinhạ ilọ inhọn aroopoogh itughemhị.—Fil 3:8

POGH VIDIO PHỌ ITUGHEMHỊ PHỌ AZIHOVA KỤ EELẠ AMHỊ, KỤ EPHANYANAẠN SIPURU PHỌ EDAPHẠN BỌ SIẸN:

• Ighẹn odọ ipaanhaạn kụ edị abuniin abukaaphọm okpạr opu orue oghị aani aSkul aKingdom Evangelizers phọ?

• Eeghe asuọ kụ edị abuẹn oghị bọ aSkul aKingdom Evangelizers romoọgh ghan?

• Ika kụ idị abuọ ookpomhoghan phọ olhoghonhaạn ḍighaạgh buẹn m’opasị bọ askul phọ oḍighi omoom oḍighi ph’abidị?

• Eeghe araraạr kụ edị ewạ orue oghị aani aSkul aKingdom Evangelizers phọ? (kr 189)

• Ighẹn inhọn odọ iikolhobian kụ edị nạ katue akelhọm aani siẹn ookpomhoghan phọ aZihova?