Idị Oḍighi Olhoghonhaạn Aḍighaạgh Phọ M’angọ Suọ Kristẹn Epẹ Caribbean

Idiphọ erọl bọ oḅẹl okuron asiạ phọ, rodon, yira omoọgh aani eepoogh oḍeenhaan ephomhoghiạn buẹn r’ayira oḅọph bọ omeeraam mọ dị ekperenhom iyaạr emitenaan. (Jọn 13:34, 35) Pogh vidio phọ Iiḍighi Ephomhoghiạn—Oḍighi Olhoghonhaạn Aḍighaạgh epẹ Arukpu Ogbo phọ omhiịn idị aKristẹn m’olhoghonhaạn ḍighaạgh bumor r’abumaranhi ph’abidị epẹ Caribbean, kụ ephanyanhaạn sipuru phọ edaphạn bọ siẹn:

• Ika kụ idị ogbagarạ oghim Irma r’ogbagarạ oghim aMaria akọm ḍikparamhineẹn angọ bumor phọ, epẹ Caribbean?

• Ika kụ idị aZihova asighẹ bunhọn abumor r’abumaranhi alhoghonhaạn ḍighaạgh bumor phọ odi bọ Caribbean?

• Ika kụ idị ephomhoghiạn phọ abumor phọ oḍeenhaan bọ etir buẹn ogbagarạ oghim m’aphueghị bọ raraạr phọ?

• Ika abumor r’abumaranhi k’uphinhom aani bin oḍighi olhoghonhaạn aḍighaạgh phọ epẹ Caribbean?

• Eghẹn eten kụ edị oomo ayira kotue ni oḍighom aani oḍighi olhoghonhaạn aḍighaạgh phọ ophọn?

• Iduọn nạ amhiịn bọ vidio phọ, nạ aloghoma ika oḍighi aani apakirị oḍighom ephomhoghiạn phọ ophọn?