Ḍighi Idị Ituughạ Oginha Anạ K’emaạr Enuụm

IYAẠR PHỌ EMHẠN BỌ NI MAẠR: Ituughạ aBaibul oginha anạ k’iloghonaạn iyira ḍighaạgh “okpạph ophạm ereghẹ phọ r’aḍidoọny phọ r’aḍikẹl anyụ phọ r’aḍikẹl ude” igey phọ. (Efẹ 3:18) K’eḅilhẹ iloghonaạn iyira ḍighaạgh oselhemhan r’orọl idị yira k’obiphighạ igbo okarạph aḅirinhi phọ ophọn r’oḅilhẹ omaạr ‘ophạm okpophonom oghaạph aghuḍum mọ.’ (Fil 2:15, 16) Ituughạ aBaibul oginha anạ k’ingọ iyira eepoogh osaḅạr araraạr lọ yira owạ idiphọ awe. Yira koḍighi eeghe okạr omooghọm asuọ pạ yira robạl bọ k’oḅilhẹ otuughạ Baibul phọ?

IPẸ NẠ KAḌIGHI BỌ:

• Goọr siikpịgh aBaibul phọ aḅilhẹ agẹ raraạr siphẹ aBaibul phọ nạ asighẹ bọ ratuughaạm mughumọ odi ologhi afon obobọ o/lo

• Iduọn nạ rabạl bọ Ekpo-onhụ ph’Enaạn, puruan loor sipuru phọ iphẹn: ‘Anhiạn? Eeghe? Pụr amem? Eghẹn? Eeghe kụ iḍighi? Ika?’

• Legheri riphigh phọ. Dị nạ asighẹ raḍighinom raraạr owaaghiọm mọ edi bọ, waaghị ilọ emhuoghaạph obobọ ekpịgh aBaibul phọ

• Gbiran ghan ipẹ nạ rabạl bọ orue orọph onaghanạn ipẹ nạ katue bọ asighẹ aḍighinom

• Wạ ghan reten osighẹ oḍighinom ipẹ nạ ratuughạ bọ ḍio etum ḍio.—Luk 6:47, 48

POGH VIDIO PHỌ MAẠR “APHẠM AKPOPHONOM”—DỊ EEGO ESI ITUUGHẠ OGINHA ANẠ DỊ EMHOON, KỤ EPHANYANAẠN SIPURU PHỌ EDAPHẠN BỌ SIẸN:

• Eeghe asuọ kụ edị abuniin m’omhoọgh ophạm ghan ituughạ oginha abidị?

• Uḍighi ika kụ ekpẹ bọ ooḅereghị kụ ogbi omhiigh ituughạ oginha anạ?

• Eeghe kụ k’ilhoghonhaạn iyira ḍighaạgh okạr onhaghanạn esi aBaibul?

• Ighẹn odọ araraạr kụ edị yira kosighẹ ghan ogoorọm Baibul phọ ayira?

• Uḍighi ika kụ ogbiran ghan amhạn bọ maạr iboom mem lọ yira rotuughạ Ekpo-onhụ ph’Enaạn?

• Yira koḍighinhom eeghe raraạr phọ ipẹ yira m’otuughạ bọ?