ORỌL GHAN ADỌL ONYỌ AKRISTẸN
Lọgh Mem Aaḍikuan Ghan r’Awe Dị Ophomhoghiạn AZihova
Uḍighi ikạ kụ yira kolọgh ghan bọ mem ooḍikuan r’awe dị ophomhoghiạn aZihova? Loor esi dị arighirị phọ ayira kotue ni omoọgh egey obobọ ekarạph etirom siẹn aghuḍum mọ ayira. (Pr 13:20) Esi omaạm, Uw-emhạ phọ Jehoash aḍighi ghan ni “idị enhighẹ riḍien aZihova” mem mọ Ogbogh Opinyọn Rikiạ phọ Jehoiada odi bọ. (2Ch 24:2) Kuolọ aJehoiada romugh, bịn aJehoash awilhẹ aZihova loor ikarạph arighirị.—2Ch 24:17-19.
Siphẹ oḅẹl okuron asiạ phọ C.E. otelhedom m’aPọl amaanhiọm ookpomhoghan aKristẹn phọ “ogbogh otu,” kụ we ookpomhoghan phọ amaanhiọm “rodo r’arukpạ r’asigbagbạ kirokirọ.” Yira kokiọm ghisigh oḍighi ghan raraạr otu dị “emoọgh ni ephigh iyaạr oḍighinom,” mem dị yira oghel ooḍikuan ghan r’awe dị roḍighi ghan raraạr dị aZihova aghel mughumọ ipạ olhoghi otu phọ obobọ siphẹ ookpomhoghan phọ. (2Tim 2:20, 21) Esi iduọn phọ, oghị ghisigh oḍigh ghan righirị r’awe dị ophomhoghiạn aZihova ḅilhẹ kulhoghonhaạn iyira ḍighaạgh okumu odị.
POGH VIDIO PHỌ TUUGHẠ OGHEL IKARẠPH ARIGHIRỊ, KỤ EPHANYANHAẠN SIPURU PHỌ EDAPHẠN BỌ SIẸN:
Ika kụ idị oye kaaḅughonhaan ikarạph arighirị eten dị u/legheri?
Siẹn oḍighi oḍeenhaan phọ, eeghe kụ ilhoghonhaạn ḍighaạgh iḍoọgh phọ osoph ikarạph arighirị?
Ighẹn asinhị iilhogh aBaibul kụ kelhoghonhaạn nyinhạ ḍighaạgh osaḅạr igey arighirị?
Mị aḍighi ni iyaạr otu dị “emoọgh ni ephigh iyaạr oḍighinom”?—2Tim 2:21