Nạ Kaḍighi Eeghe Lhạ Dị Olophiạ U/lo?

Omheeraam r’oḍuom olhoghi kụ retelhean ghan. Esi omaạm, omheeraam dị akpạr esi aZihova kulhoghonhaạn iyira ḍighaạgh oḍuom olhoghi m’odị kakoph ni aḅilhẹ uphogh iyira. (Ps 23:1, 4; 78:22) Iduọn yira rokpụl bọ eekunha aḅirinhi phọ, yira olegheri mọ izuoghom mọ aSetan k’ebụgh ni iboom. (Ogan 12:12) Eeghe kụ kilhoghonhaạn iyira ḍighaạgh?

PEGH VIDIO PHỌ NẠ KAḌIGHI EEGHE LHẠ DỊ OLOPHIẠ U/LO? KỤ EPHANYANHAẠN SIPURU PHỌ EDAPHẠN BỌ SIẸN:

1. Ika kụ idị yira oghịgh “oreeny” phọ oghaạph bọ oghol siphẹ Jeremiah 17:8?

2. Eghẹn odọ “egholhoghọl” kụ edi?

3. Itir ika “oreeny” phọ, kụ eeghe kụ iḍighi?

4. ASetan rawạ ghan ophiemi eeghe?

5. Ika kụ idị yira oghịgh we dị rogbor ghan koḍigh oghuugh anyụ?

6. Uḍighi ika kụ yira k’okiọm bọ ni ghisigh oḍuom olhoghi ebenhẹ phọ esụ bọ olhoghi phọ, kụ yira k’osoman eeghe odẹgh ophogh?

7. Uḍighi ika kụ yira k’okiọm bọ ni ghisigh oḍuom olhoghi sinhị iilhogh aBaibul phọ etigheri rigilaạm aḅirinhi phọ?