“Iseere Ni Ologhi Ilọ Iphẹn Phọ”

Ilọ ighẹn? Filipai 4:8 eḅẹm mọ oseere ologhi ilọ atorobọ iyaạr lọ eḍighi egey, ilọ eghuan, ilọ eelenyan, ilọ eseleman, ilọ enighẹ, torobọ eeḅi, ilọ eḍighi imạ, r’ilọ ekpeanaạn oboom. Ii, iduọn phọ pọ re/ḅẹm ghan mọ oomo amem mọ aKristẹn kootughiạn ghan ilọ aBaibul bịn. Toroboiperolbọ, ipẹ yira rogbirima bọ eḍighi idị eḅeraạn aZihova. Kuu/tughiạn ghan ilọ araraạr dị k’edughe ipẹ yira mosopha bọ ophạm oḍuom ologhi phọ ayira esi aZihova.—Ps 19:14.

Eḍighi ni ipaanaạn oghel ikarạph iitughiạn. Yira robianaan ghan r’inyuughiom e/munughan phọ ayira r’ipẹ aSetan, “emụgh aḅirini phọ ophọn.” (2Kọr 4:4) Ibadị araraạr dị roḍeenaan pạ aTv phọ, idị ronaghạn redio, ilọ intanẹt, ḅilhẹ r’arinyạ phọ ipẹ rogẹ ghan bọ reḍighi ghan iḅoriạ araraạr, loor esi dị aSetan kụ ranyuughiom. Kụ eḍighi maạr lọ yira uu/selạ ipẹ yira rolọgh bọ iloghi phọ ayira, pọ iitughiạn phọ ayira k’eepuạn ni, bịn etir ipẹ yira rozọ bọ.—Jems 1:14, 15.

IPOGH VIDIO PHỌ KEL IYAẠR DỊ KEGBUUROGH ESIGHẸ DỌL OḄẠR—OOMHANHAMHIAN ALOOR DỊ U/KPEANAẠN, KỤ EPHANYANAẠN SIPURU PHỌ EDAPHẠN BỌ SIẸN:

• 

  Eeghe iyaạr kụ edị onyọ umor phọ aphogh ghan siphẹ afon ph’odị, kụ itir ika nyodị?

• 

  Ika kụ idị aGaletia 6:7, 8 ḅilhẹ Psalm 119:37 elhoghonhaạn nyodị ḍighaạgh?