Kel Inyuughiom Aḅirinhi Phọ Mem Iikolhobian Apinien

AKristẹn dị rookolhobian pinien omoọgh ni ibadị araraạr osopha. Inyuughiom olhiom ikpoki oḍighi ogbogh apinien dị romiịn ghan siphẹ aramạ phọ abidị retọl ghan ni. Arighirị r’abuọ eghun otu phọ anyina kosogh ni ḍiitughiạn idị bidị rowạ mọ apinien phọ arọl. Ighẹn asinhị iilhogh aBaibul kụ keloghonhaạn ḍighaạgh Kristẹn ookolhobian aḍiikiạ aḍio apinien ph’abidị eten dị ooruẹn ologhi abidị ka/gụr bidị mem dị m’ophạm oten?

IPOGH VIDIO PHỌ ASIPINIEN DỊ REKUENHI GHAN AZIHOVA, KỤ EPHANYANAẠN SIPURU PHỌ EDAPHẠN BỌ SIẸN:

• Ika kụ idị asinhị iilhogh phọ iphẹn elhoghonhaạn ḍighaạgh Nick r’aJuliana ?

  • 1Kọr 10:31

  • 1Jọn 2:15, 16

  • Gal 5:19-21

  • 1Tim 2:9

• Uḍighi ika kụ ewạ bọ dị abulọ moguan pinien koteẹny onyọ umor dị asiya ph’odị r’aZihova ekpạr oḍighi “uw-emụ agadạ” apinien phọ? —Jọn 2:8-10.

• ANick r’aJuliana utụ eeghe kụ bidị kụ osaḅạr bọ raraạr phọ ipẹ bidị kosighẹ bọ oḍighinom mem apinien ph’abidị?

• Anhiạn kụ arool dool osopha ipẹ apinien phọ kakị bọ ḅilhẹ r’ilọ okọ igonhi ruuruen phọ?—w06 10/15 25 ¶10.