“Oomo Ade Phọ Iḅạ Ghan Oniin Onhụ”

11:1-4, 6-9

Pạ Babel, aZihova awalhalhamhị ni we oḅaạr emhụ phọ, esi ogbaragbaramhị onhụ phọ abidị. Rodon odị raakpomoghi ni siadạm awe oomo areelhe r’arunhụ kirokirọ oghị aghisigh otughemhị abidị “oserereẹny onhụ” pidị bidị “omạgh ghan ḍien phọ aZihova, oḍighi ipẹ odị rawạ bọ.” (Zep 3:9; Ogan 7:9) “Oserereẹny onhụ” phọ ophọn pọ igey phọ ilọ aZihova ḅilhẹ r’arigbiom mọ odị edi bọ pạ aBaibul phọ.

Oḍighi dị odi otuughạ onhọn onhụ epel olhegheri ikpo onhụ osighẹ oḅaạm. Eḅaramaạm ni otuughạ emhoọm eten iitughiạn. Iniin phọ kẹn ni, otuughạ oserereẹny onhụ igey phọ, pọ ewạ moḅọl iloghi phọ ayira. (Rom 12:2) Ephẹn phọ iyaạr dị awe phọ Enhaạn roḍighi ghan, kụ remiteom ghan muḅọph igbo abidị.—1Kọr 1:10.