ORỌL GHAN ADỌL ONYỌ AKRISTẸN
Nạ Ramooghọm Ni Suọ Examining the Scriptures Daily Phọ?
Eḍighi ni idị edeọm dị nạ amhoọgh ogbiemhị asiya anạ r’aZihova eḅarạm aạl ghan Examining the Scriptures Daily phọ? Eḍighi maạr lọ i/ḅarạm, nạ katue ni aloghọm aani pạ edeọm m’anạ? Ibadị rosighẹ ghan ibạl ilọ aḍio phọ esoph aḍiroọr pidị bidị ootughiạn ghan ipẹ bidị aạl bọ oomo emhụ aḍio phọ. (Jos 1:8; Ps 119:97) Ika kụ idị nạ kamooghọm asuọ dị abụgh esi aBaibul aḍio phọ? Bạl riisi aBaibul phọ eeghironom bọ ekpịgh phọ olegheri ipẹ esi phọ rekaạph bọ. Kparaghạ ootughiạn eḍeenhaan aBaibul dị eegholomhi ḍinhị ologh dị esi phọ ephạm. Kụ aatughiạn ilọ oḍighinhom aḍinhị ologh phọ siphẹ aghuḍum mọ anạ. Mem lọ Ekpo Onhụ phọ Enhaạn kụ reeḅakị ghan osopha anạ, pọ keeko ghuḍum anạ kụ eḅilhẹ engọ nyinhạ suọ.—Ps 119:105.
Arughun otu aBetẹl oomo isiẹn aḅirinhi phọ rooḅeghiọn ghan Examining the Scriptures Daily phọ mem lọ rolhe eḍien aḍiroọr. Dị ke/bia, momhiigh ni rologhoḍị ghan pạ JW Broadcasting® ibadị araghaạph phọ ipẹ phọ, eeḍiạn PROGRAMS AND EVENTS. Apụr amem kụ edị nạ aghị aphogh aani ghalhamọ r’oniin? Eeni amem araraạr dị nạ kamiịn ekạr eḍighi idị nạ rawạ mem mọ. Esi omaạm, ika kụ idị oghaạph phọ aLọt katir osopha anạ?
IPOGH VIDIO PHỌ KE/POMHOGHIẠN DỌL AḄIRINHI PHỌ (1JỌN 2:15), KỤ EPHANYANHAẠN SIPURU PHỌ EDAPHẠN BỌ SIẸN:
Aḍighẹn aḍinhị ologh aBaibul kụ iphạm raghaạph Iiseeny Aḍiroọr phọ?
Ika ikụ idị ipẹ emitenhaan bọ Lọt, emạ eḍeenhaan ooto r’osooromineen ophomhoghiạn aḅirinhi phọ r’araraạr ph’odị?—Ge 13:12; 14:12; 19:3, 12, 13, 24-26
Yira koḍeenhaan ika mọ yira opomhoghiạn aZihova, kparipẹ r’aḅirinhi phọ r’araraạr ph’odị?
Ika kụ idị mị kaḍeenhaan oomo emhụ aḍio phọ mọ mị amaghamhị ni maạr Ekpo Onhụ phọ aZihova