ARUPHUA DỊ OSIGHẸ SIPHẸ EKPO-ONHỤ PHỌ ENHAẠN | GENESIS 32-33

Nạ Ragbạ Ni Inhụgh Oteẹny Aḍisẹph Ḍughụm?

32:24-28

Orue oteẹny aani aḍisẹph phọ aZihova, pọ ewạ olhọgh inyaạm, osighẹ oḍighi Omhạr phọ Enhaạn idiphọ eḅẹl iyaạr. (1Kọr 9:26, 27) Idiphọ aJekọb, ewạ mọ yira olhọgh aani ghan inyaạm pạ arukumuan phọ yira rongọ bọ aZihova. Yira roḍeenhaan ghan mọ yira olọgh ni inyaạm oteẹny aḍisẹph phọ aZihova esi . . .

Ookolhobian ghan agey kụ oghị ituughạ
Ogbor ghan omite epẹ erugh phọ
Olhoghonhaạn ghan aḍighaạgh bunhọn pạ ookpomhoghan phọ

Asifoto: Oḍoọgh onhiin dị amhoọgh ibadị araraạr oḍighi. 1. Odị ramiighom oḍighi aḍio phọ riiḅereghị. 2. Rangọ ghan eḍien ophurukpu onyanhị odị dị ramaạm kụ agbi omite epẹ erugh phọ. 3. R’ophalhaḅaạl olhoghi, odị r’iyạl anmanyaạn phọ odị rotelhean ghan bumaranhi dị r’odị odi oniin ookpomhoghan.

Torobọ ilọ adọl phọ anạ ekpạr esi, kiọm ni ghisigh alhọm ghan aZihova olhoghonhaạn aḍighaạgh kụ aḅilhẹ awạ ḍisẹph ph’odị iduọn nạ alhọgh bọ ni inyaạm okumu odị.

PURUAN LOOR MỌ, ‘Oghẹn odọ agạ adọl aghuḍum mọ amhị kụ edị mị kalọgh iboom inyaạm oteẹny aḍisẹph phọ aZihova?’