“Iḅeer Emiteom Ikaaghinheẹn Arumhụgh Phọ”

Ghalhamọ r’amem dị aZihova k/ongọ ni olhogh ilọ iiḅereghị ikaaghinheẹn araraạr, aJekọb alhegheri ni mọ aZihova bịn kụ akpẹ dị koḅọgh oomo aloor ongọ. (Ex 20:3-5) Pọ kụ iyaạr phọ, mem mọ aZihova aḅenhị bọ nyodị oḅula aBetẹl, aJekọb aḅenhị oomo abuphẹ rodạph bọ nyodị mọ oḅeer omiteghom ikaaghinheẹn arumhụgh phọ abidị. Kụ odị asighẹ ikaaghinheẹn arumhụgh phọ, eḅarạm bọ ni ralạ dị ologhạ yogh aḅeri, dị otuạn oghophom aloor kụ ologhạ ghan, aḍiighi. (Ge 35:1-4) Dị iikia i/lo, ipẹ aJekọb aḍighi bọ iḅaalhamhị ni olhoghi aZihova.

Ḍio arodon, ika kụ idị yira koḍeenhaan mọ aZihova kụ akpẹ oḅọgh oomo aloor ongọ? Esi oghel atorobọ iyaạr dị emhoọgh muḅọph r’iiḅereghị ikaaghinheẹn araraạr obobọ iiḍighi aruru. Iphẹn phọ eḅarạm ni okporiọn araghaạgh torobọ iyaạr dị eḍighi ilọ okọlt ḅilhẹ r’omhaạr oselẹ ozaamhiạn aloor phọ ayira. Esi omaạm, puruan loor mọ: ‘Mị rakelhọm ghan ni aạl arinyạ obobọ ophogh asifim dị reḍeenhaan ghan ikpolhopiọph dị remoophọgh ghan iḅaạl, ikpolhopiọph dị oyil amhạgh aḅeton, obobọ ikarạph aruwaloor ḍughụm? Roḍeenhaan ghan ni simazik, oye dị asighẹ egbạ aghoroghiọm bunhọn, obobọ igurughian idiphọ oopho areephegh ḍughụm?’ Okporiọn raghaạgh oomo araraạr dị aZihova aghel.—Ps 97:10.

IPOGH VIDIO PHỌ “IMERENYẠN ERU” PHỌ, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Ighẹn iiḅaghamhị kụ edị aPalesa, onyanhị phọ rotughemhị ghan bọ Baibul phọ asomhan?

• 

  Uḍighi ika kụ eḍighi bọ osụ olhoghi oteẹny ikumor awe phọ mem dị iiḅaghamhị phọ egbolhomaam ikarạph aruwaloor?

• 

  Eḍighi maạr dị yira rowạ oghoph phọ aZihova, ighẹn araraạr kụ edị yira koḅeer omiteghom?

• APalesa asopha oḍighi eeghe?

• Ighẹn kụ iniin areten oghel inyuughiom ikarạph aruwaloor epẹ ekool phọ anyinha?