Kparaghạ Olhegheri Ipẹ Emite Bọ

Mem dị nạ rabạl Baibul, kparaghạ ghan olhegheri ipẹ emite bọ. Tuughạ alhegheri raraạr phọ eeghironhom bọ esi aBaibul phọ, awe phọ oghaạph bọ oghol, ḅilhẹ r’iyaạr phọ eḍighi bọ kụ ozọ bọ eten phọ epẹ oghaạph bọ. Riitughiạn anạ miịn ekool phọ, anhaghạn roḍọgh phọ, ruḍu phọ, aḅilhẹ alhoghoma ipẹ awe phọ olhoghoma bọ.

IPOGH VIDIO PHỌ NIGHEMHỊ ITUUGHẠ ABAIBUL PHỌ ANẠ—OOKPERA PHỌ, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Eeghe kụ iḍighi kụ aJosef r’abumor ph’odị u/kạr bọ uuḍikuan ghan?

• 

  Eeghe kụ iḍighi kụ abumor phọ aJosef eeni amem ozọ ghan bọ eten igbagbaar?

• 

  Esi aBaibul phọ ephẹn itughemhị iyira eeghe ilọ odẹ phọ aJosef, Jekọb?

• Eghẹn emạ eten oolemhiom iiḅaghamhị kụ edị aJekọb atughemhị nmụny phọ odị?

• Eeghe asuọ kụ edị nạ amhoọgh siẹn avidio phọ?