Yira Kotuughạ Eeghe Esi AKristẹn Dị Momhiịn Ibadị Araraạr?

Siphẹ arookpomhoghan phọ ayira, awe dị mokumu aZihova ibadị asiạ odi ni. Yira kotue ni otuughạ obeḍenhọm aZihova idiphọ abidị. Yira otue ni opuru bidị ilọ iphirigba ookpomhoghan phọ aZihova ḅilhẹ r’ipaanhaạn dị aZihova alhoghonhaạn bidị ḍighaạgh okpetenhaan. Yira kotue ni omạgh aani oniin onyọ abuẹn phọ mem Iiseeny Eghunotu ayira, oḅenhị aani ayira raraạr dị odị m’amhiịn.

Eḍighi maạr dị nạ marọl siẹn ookpomhoghan phọ ebia, pọ kaạph ni ipẹ nạ mamiịn bọ aḅenhị buẹn nạ mamiịn bọ raraạr apu. AJekọb r’aJosef ughaạph ni ilọ omheeraam mọ abidị oḅenhị buọ eghunotu abidị. (Ge 48:21, 22; 50:24, 25) Onyebel roten, aZihova aḅenhị r’uw-emhụ arughunotu m’oḅenhị ghan ibạm anmụny phọ abidị ilọ iiḍighi iikpọ ph’odị. (De 4:9, 10; Ps 78:4-7) Ḍio arodon, aburudẹ r’aburunhiin ḅilhẹ r’abunhọn siẹn ookpomhoghan phọ kotue ni oḅenhị iḍoọgh phọ raraạr dị aZihova maḍighi dị eego esi ookpomhoghan ph’odị.

IPOGH VIDIO PHỌ UPHAMHANHẠM NI MUḄỌPH MEM ISOPHOGHOM, KỤ EPHANYANHAẠN SIPURU PHỌ EDAPHẠN BỌ SIẸN:

• Ika kụ idị olạ agadạ Austria alhoghonhaạn ḍighaạgh bumor phọ ayira, iniin areelhe dị osophoghom oḍighi phọ?

• Abumor phọ orologhụ bọ reelhe phọ ipẹ phọ ukparamhị ghan ika omheeraam mọ abidị?

• Uḍighi ika kụ abuniin abukaaphọm epẹ Romania ogbatanhaạn bọ ookpomhoghan phọ aZihova, kụ bidị uḅula ika?

• Ika kụ idị araghaạph phọ iphẹn phọ ekparamhị omheeraam mọ anạ?