Ipạm Riḅio Anyinha Iduọn Eekunha Phọ Reteẹny Bọ

IYAẠR PHỌ EMHẠN BỌ NI MAẠR: Moọny amem, araraạr aḍiigu kemite ni dị kedẹgh epogh akpọ oḅio phọ ayira r’oḍuomolhoghi phọ yira omhoọgh bọ oghị esi aZihova, eten dị ke/mite ghan. Igbogh iiḅaghamhị phọ kemiigh mem dị mophiemhi ruukụ iiḅereghị okpẹ. (Mat 24:21; Ogan 17:16, 17) Mem mọ iphẹn phọ kemite bọ, eeni yira kogbeelhom ni dom ooruẹn dị eemọr ri iboom. (Ogan 16:21) Kụ aGọg opọ aMegọg k’uzuom ni iyira. (Eze 38:10-12, 14-16) Ophẹl awe ph’odị, aZihova kaler ri “eghạm mọ kesoor bọ ḍigbogh aḍio Enaạn Oomo Iikpọ phọ.” (Ogan 16:14, 16) Okparamhị akpọ oḅio ayira ilọ iphẹn phọ, ewạ m’ophạm oḅio ayira mem dị yira osomhan odẹgh ophogh nyiidiphọ.

IPẸ KOḌIGHI BỌ:

• R’akpọ oḅio, maạr aphamhanhạm siigbu phọ aZihova.—Isa 5:20

• Ka/bilhẹ ookpomhoghan ghan r’abumor r’abumaranhi phọ.—Hib 10:24, 25

• Kem ghan aḍighi ilọ ookpomhoghan phọ aZihova aḅẹm.—Hib 13:17

• Gbiran ghan ipẹ aZihova aphẹl bọ we ph’odị iḍiodi phọ.—2Pit 2:9

• Kaaphạn ghan aZihova esi iiḅereghị kụ aḍuom nyodị olhoghi.—Ps 112:7, 8

IPOGH VIDIO PHỌ ARARAẠR DỊ KEMITE GHISIGH DỊ KEMOGHI AKPỌ OḄIO—OOKPERA PHỌ, KỤ EPHANYANAẠN SIPURU PHỌ EDAPHẠN BỌ SIẸN:

• 

  Eeghe iyaạr kụ idẹgh ephogh dọl onhaghanhạn abukaaphọm dị osigheọgh bidị oghimọm inhọn arookpomhoghan?

• 

  Ika kụ idị onhaghanhạn ghan kaḍighi idị yira komoọgh akpọ oḅio?

• 

  Uḍighi ika kụ kewạ bọ ni akpọ oḅio mem dị Amagedọn aru?

• 

  Eeghe iyaạr dị emite siphẹ aBaibul phọ kụ ketue elọgh ḍighaạgh okparamhị omheeraam mọ ayira mọ aZihova katue ni uphẹl iyira?—2Ch 20:1-24