ORỌL GHAN ADỌL ONYỌ AKRISTẸN
Gonha Loor Olheenye Uḅẹm-mọ Dị Aḍighi Okpẹ
Kotue ni osighẹ iinhaghạn okiọm sirubal awe dị eego esi arinyạ, aredio, televisọn, ḅilhẹ r’intanẹt. Kuolọ abuphẹ rooḅereghị bọ Enhaạn phọ “okpẹ ra/gbạ ghan bọ,” ro/wạ ghan olheenye iinhaghạn dị i/tu inẹ, ghalhamọ r’eten dị u/seere olhoghi. (Ps 31:5; Ex 23:1) Uḅẹm-mọ dị u/tu inẹ dị olheenye katue ni aḍighi oye iyaạr. Eḍighi maạr dị nạ rawạ olhegheri mughumọ iyaạr etu ni inẹ, puruan loor mọ:
‘Azin iinhaghạn phọ akpẹ ni oḍuomolhoghi?’ Eeni opọ rakaạph bọ iyaạr phọ o/lhegheri oomo ipẹ emite bọ. Ḅilhẹ mem dị arunhụ kụ rekaạph iyaạr, ogbaranhaạn ratọl ghan ni, esi iduọn phọ, gonha loor mem dị nạ u/legheri ipẹ araghaạph phọ emhiigh bọ. Kụ eḍighi bọ idị awe romaghamhị ghan bọ maạr iboom ikpo-onhụ awe dị omhoọgh roopoogh siẹn ookpomhoghan phọ, ewạ ni dị bidị kogonha loor oghaaphọgh iinhaghạn dị ko/lhegheri mọ inẹ ni
‘Iinhaghạn phọ kepuẹ ni iyaạr?’ Eḍighi maạr dị repuẹ ḍien oye obobọ awe, pọ kenighẹ dị yira kobilhẹ oghaaphọgh.—Pr 18:8; Fil 4:8
‘Iinhaghạn phọ ekpẹ ni omheeraam?’ Gonha loor mem dị nạ ranaghạn iinhaghạn dị redụgh agey onhaghạn
IPOGH VIDIO PHỌ IKA KỤ IDỊ MỊ KABILHẸ IKALHAGHIẠN? KỤ EPHANYANHAẠN SIPURU PHỌ EDAPHẠN BỌ SIẸN:
Odaphạn Proverbs 12:18, eeghe iiḅaghamhị kụ edị ikpo-onhụ ketue ekọm?
Ika kụ idị aFilipai 2:4 kilhoghonhaạn iyira ḍighaạgh osopha araraạr dị yira kokaạph ilọ abunhọn?
Yira koḍighi eeghe mem dị oye amhiigh ophogh oye ekarạph ekpeḍien obobọ rakaạph ikarạph ilọ oye?
Kụ yira ogbi omhiigh oghaạph ilọ abunhọn, ighẹn asipuru kụ edị yira kopuruan siloor?