Ngọ AZihova Okạr Ipẹ Enhighẹ Bọ

5:5-7, 11

Adọl ekulhom i/sophoghom ghan buọ Izrạl phọ omhoọgh asiya eephọ r’aZihova. Ghalhamọ r’oye dị akạr kụ amheel ekulhom pạ Izrạl arue ghan ni aphighirọn ekiạ dị eḅeeraạn aZihova, eru maạr dị angọ ni ipẹ ekạr bọ enhighẹ. Bidị kotue ni ongọ falhaạ, kuolọ aZihova awạ ghan mọ aḍighi okạr opọ ‘anhighẹ’ bọ, opọ bidị koḍighinhom bọ mem dị omhoọgh ooruen dị akpẹ oghuenhi. (Ge 18:6) Ḍio arodon, aZihova rasighẹ ghan ni “ekiạ iidoronhụ phọ” ayira mem dị emhaạr enhighẹ, etigheri iphurukpu phọ ipẹ yira kotue bọ ongọ.—Hib 13:15.

Ika kụ idị iphẹn phọ k’ekparamhị nyinhạ eru maạr lọ nạ u/tue mun u/ḍighi ipẹ nạ aḍighi ghan bọ loor esi e/moon obobọ ike phọ anạ medugh?