Eḍeenhaan Aḍisẹph AZihova

8:6-9, 12; 9:1-5, 23, 24

AZihova aḍighi ni idị aniạn elhe eḅẹl ekiạ iphophoghinheẹn omhoom opinyọn rikiạ phọ aphighirọn bọ ophighiom adọl abupinyọn rikiạ aḍikoọl phọ k’Eerọn. Iphẹn phọ iḍeenhaan mọ aZihova abakị ni iikolhobian phọ. Epẹ phọ eten kẹn dị aZihova akparamhiọm we phọ Izrạl ookpomhoghan bọ siphẹ phọ m’obakị aani bupinyọn rikiạ phọ. Rodon aZihova asighẹ Zizọs Kraist phọ moghuenhi bọ kụ raḍighinhom idiphọ ogbogh Uw-emhụ Opinyọn Rikiạ. (Hib 9:11, 12) Lhạ phọ 1919, aZizọs amạ ni eẹny egu abumor dị osagharạn uwaloor iigbia phọ idiphọ egey ‘ebenhẹ phọ opọ alhegheri bọ maạr.’ (Mat 24:45) Eeghe kụ imạ bọ emiteom mọ aZihova abakị ni aḅilhẹ r’asẹph ebenhẹ phọ?

• Etigheri ikpuuroghọm dị i/soph mem, ebenhẹ phọ akiọm ni ghisigh ramiteom ghan raraạr okparamhiọm omheeraam mọ ayira

• Idiphọ omhiịn bọ, rokaạph ni iiḅi iinhaghạn phọ kolheenye “oomo aḅirini phọ.”—Mat 24:14

Ika kụ idị yira kotue okạr obakị aani ebenhẹ phọ asụ bọ olhoghi aḅilhẹ akpẹ oḍuomolhoghi?