Tuughạ Iyaạr Esi Iilhogh Ezẹgh Okụ-ufe Phọ

13:4, 5, 45, 46, 52, 57

Asinhị iilhogh phọ ephạm bọ iilhogh ezẹgh okụ-ufe phọ itughemhị iyira eeghe ilọ omhaạr ophạm asiya phọ ayira r’aZihova okparamhị?

• AZihova atughemhị bupinyọn rikiạ phọ ilọ onhuụn ghan olhọgh elhegh ezẹgh okụ-ufe phọ. Rodon, abukoriom siẹn ookpomhoghan phọ r’oogboronhom ghan ni olhoghonhaạn aḍighaạgh we dị asiya phọ abidị r’aZihova redugh.—Jems 5:14, 15

• Iwạ ghan mọ awe phọ Izrạl ophueghị torobọ iyaạr dị ezẹgh okụ-ufe phọ eḍigh, obọ keleeny ghan bọ elheeny. Akristẹn ḍio arodon onyaaghiạn kẹn owilhẹ ghalhamọ r’iyaạr dị emhạn maạr esi abidị, kparipẹ r’omheera dị kekọm idị bidị koḍighi ikarạph. (Mat 18:8, 9) Iphẹn phọ etue ni eḅaramaạm roozọ, ooḍikuan r’awe obobọ ozaamhiạn aloor

Onyọ aKristẹn kaḍeenhaan ika mọ onọ rawạ ni olhoghonhaạn aḍighaạgh aZihova?