‘Ephomoghiạn phọ aKraist uphomoghiạn bọ iyira kụ rirelheom ghan bọ iyira.’—2Kọr 5:14
ORỌL GHAN ADỌL ONYỌ AKRISTẸN
Nạ Kakumuan Ni Idiphọ Okọy Eten Unwanyụ aMarch r’April?
Keḅeeraạn ni nyinhạ obughẹ arukumuan phọ nạ rangọ bọ aZihova runwanyụ aMemorial phọ? (2Kọr 5:14, 15) Unwanyụ aMarch r’April, abukọy eten ekulha amem kotue ni osopha ongọ 30-obobọ 50-awạ. Eḍighi maạr dị nạ katue ni, pọ sighẹ fọm ageeghị angọ Ekụ Arukumuan Ookpomhoghan Phọ. Torobọ unwanyụ, kogbeelhom ni siphẹ ookpomhoghan phọ siḍien abuphẹ osopha bọ okọy eten ekulha amem mọ. Iphẹn phọ keḍighi idị ookpomhoghan phọ kobakị buphẹ rokọy bọ eten phọ epẹ erugh phọ. Eḍighi idị oomo ayira kosighẹ eepoogh arukumuan phọ ephẹn phọ mem aMemorial phọ otophomhiom sighalhanyạ phọ ayira epẹ erugh phọ kụ oniin aḅilhẹ akparamhị olhoghi oniin.—1Tẹs 5:11.