Saḅạr Righirị Anạ r’Osụ Olhoghi

Ipẹ emitenhaan bọ we phọ Izrạl siphẹ aḍiyaghaghaạny ade phọ aMoab eḍighi iyaạr ophurọm aKristẹn rurụ. (1Kọr 10:6, 8, 11) Awe phọ Izrạl umhiigh oḍighi yogh ikarạph mem mọ omhiigh bọ ooḍikuan anmanyaạn phọ aMoab ropesi ghan bọ ipesi, koḅilhẹ ooḅereghị ikaaghinheẹn arumhụgh. Iikpiạ phọ abidị eeph ni iboom. (Nu 25:9) Awe dị aZihova roo/ḅereghị ghan kụ ukoom iyira epẹ otu oḍighi, epẹ otu askul, epẹ aramhạ phọ, abuniin asiya ayira r’awe dị yira olhegheri ni. Esi aBaibul phọ ephẹn phọ itughemhị iyira eeghe ilọ ooto r’osooromhinheen dị odi ooḍikuan ghan iboom we phọ abuẹn phọ?

IPOGH VIDIO PHỌ AREḌEENHAAN OPHURỌM AYIRA RURỤ RODON—OOKPERA PHỌ, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Eeghe iyaạr dị eeph kụ edị aZimri r’abunhọn awe oghaạph oḅenhị Jamin?

• 

  APhinehas alhoghonhaạn ika ḍighaạgh Jamin omhiịn araraạr eten dị eeleeny?

• Eeghe ogbaranhaạn kụ odi igbo ozoọm oye dị aZihova raa/ḅereghị ghan eten arighirị r’oḍighi oye phọ oyaghirị?

• Uḍighi ika kụ ewạ bọ ogonha aloor mem dị yira rosaḅạr righirị ghalhamọ r’isiẹn ookpomhoghan phọ?

• Uḍighi ika kụ yira kokel bọ oḍiku yogh ariisoph intanẹt oghaaphạn ghan awe dị yira u/legheri?