“Ka/moọgh Ooḅaghamhiạn Aloor”

AZihova alhoghonhaạn ni ḍighaạgh rukulhom dị orọl Izrạl. Ighẹn kụ iniin areeghe dị eḍeenhaan mọ odị raloghonhaạn ni ḍighaạgh buphẹ ekuom bọ igbo phọ ayira?

• Matughemhị bidị omhoọgh egey ephoghom ikpoki.—Luk 12:15; 1Tim 6:6-8

• Aloghonhaạn bidị ḍighaạgh oḍigh eghuan. —Job 34:19

• Atughemhị ilọ okumuan ghan r’oghel ikarạph iḍighinhom araraạr.—Pr 14:23; 20:1; 2Kọr 7:1

• Alọgh bidị siẹn ookpomhoghan aKristẹn phọ ephomhoghiạn edi bọ.—Jọn 13:35; 1Jọn 3:17, 18

• Angọ oḍuomolhoghi.—Ps 9:18; Isa 65:21-23

Etigheri ḍigbagarạ adọl dị yira osomhan, i/wạ mọ yira ooḅaghamhiạn loor. (Isa 30:15) AZihova kamiteom ni raraạr phọ ipẹ yira owạ bọ orolhọm eḍighi maạr dị yira ophụr owạ Omhạr phọ.—Mat 6:31-33.

IPOGH VIDIO PHỌ EPHOMHOGHIẠN RE/MINHEEN GHAN ETIGHERI. . . EKULHOM—CONGO, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Ika kụ idị abumor phọ otuman bọ rikpisi phọ ophạm bọ rookpomhoghan eephugh phọ oḍeenhaan eegharạ okọ ghan igoni ruuruen phọ?

• 

  Avidio phọ aḍeenhaan ika ephomhoghiạn phọ aZihova esi arukulhom mọ?

• 

  Ika kụ idị yira kotue otuughaạny aZihova etigheri sidọl ayira?