Iraạr Areten Obeḍenhọm AZihova

ADevid akpạr apu aGoliath loor esi dị abeḍenhọm aZihova. (1Sa 17:45) AZihova rawạ ghan eepoogh oghol emhụ arebenhẹ phọ odị oḍeenhaan inyaạm odị. (2Ch 16:9) Ika kụ idị yira kobeḍenhọm bọ olhoghonhaạn aḍighaạgh phọ aZihova kparipẹ roḍuom olhoghi iitughiạn r’inyaạm ayira? Miịn iraạr areten:

• Gbor ghan aaḅereghị. Kaa/ḅereghị ghan mem dị nạ apiomạn bịn, ḅeeḅereghị ghan ni ghalhamọ r’amem dị nạ asoman odẹgh ophogh phọ (Mat 6:12, 13) Ḅeeḅereghị ni alhọm dị aZihova kasẹph osopha anạ, kuolọ ḅeeḅereghị ghan ni alhọm iiḅakiọm r’osụ-olhoghi odị kụ agbi osopha osopha phọ.—Jems 1:5

• Moọgh egey edeọm aạl, rotuughạ ghan aBaibul phọ. Bạl ghan Baibul phọ torobọ aḍio. (Ps 1:2) Sighẹ mem agbiran ghan reḍeenhaan aBaibul, aḅilhẹ asighẹ aḍighinhom. (Jems 1:23-25) Kookolhobian ghan kụ agbi omite epẹ erugh phọ kparipẹ robeḍenhọm ghan araraạr dị nạ alhegheri igbaany. Eḍighi maạr dị nạ aakolhobian ghan kụ agbi oghị ituughạ, nạ kakạr kụ amooghọm suọ

• Daphạn ghan ookpomhoghan phọ aZihova. Ler ghan rurụ angọ imhoom iromhoghiom dị ookpomhoghan phọ ongọ, kụ anhuụn adaphạn (Nu 9:17) Naghanhạn ghan iromoghiom r’iiḅakiọm ikumor awe phọ.—Hib 13:17

IPOGH VIDIO PHỌ IYAẠR OTUẠN OGHIILHAAN IGBIPHOGHỌM I/LO, KỤ EPHANYANHAẠN SIPURU PHỌ EDAPHẠN BỌ SIẸN:

• Eeghe oghiilhaan kụ edị abumor r’abumaranhi phọ omhoọgh?

• Eeghe kụ ilhoghonhaạn bidị ḍighaạgh okaran oghiilhaan phọ abidị?