‘Ephomhoghiạn . . . Reḍuom Ghan Olhoghi Oomo Araraạr’

Loor esi iduọn yira ophomhoghiạn bọ bumor phọ ayira agey, yira rowạ ghan ni mọ imạ emitenhaan bidị. (1Kọr 13:4, 7) Esi omaạm, eḍighi maạr dị onyọ umor aḍighi ikarạph kụ olhiọm, yira rogon ghan ni omhiịn dị kasighẹ ilioghọm mọ aḍighinhom. Yira roḍeenhaan ghan okparạm koghị esi abuẹn omeeraam mọ adugh bọ, koḅilhẹ olhoghonhaạn bidị ḍighaạgh. (Rom 15:1) Eḍighi maạr dị oye awilhẹ ookpomhoghan phọ, yira ro/bilhẹ ghan oḍuom olhoghi mọ kaḅula ni ḍinhiin aḍio.—Luk 15:17, 18.

IPOGH VIDIO PHỌ LEGHERI IPẸ EPHOMHOGHIẠN REZỌ GHAN BỌ—REḌUOM GHAN OLHOGHI OOMO ARARAẠR, KỤ EPHANYANHAẠN SIPURU PHỌ EDAPHẠN BỌ SIẸN:

• Ika kụ idị oḅạr phọ Abner anmia?

• ADevid azoọm ika Abner, kụ aJoab azoọm aani ika?

• Eeghe kụ iḍighi kụ yira koḍuom ghan bọ ni olhoghi bumor phọ ayira?