ORỌL GHAN ADỌL ONYỌ AKRISTẸN
Pamaghạn Ruuphuạ Anạ
Idiphọ awe dị u/munughan, yira omoọgh oghiọm aghisigh eenhan aruuphuạ ayira. Yira oḍighi ghan torobọ ilọ aruuphuạ phọ ayira inyu iyira, yira ko/moọgh kuuḅi aghisigh aZihova. Esi omaạm, abuniin awe momeera mọ eephuạ eḍien, iinmenhan r’otu ebụgh epu ephomhoghiạn dị bidị omhoọgh oghị esi Enhaạn. Abunhọn rogbaanyamhị ghan eephuạ orolhạn esi abidị eten dị Enhaạn i/ḅeraạn. (Rom 1:26, 27) Kụ abunhọn romeel ghan koḍighanhaan inyuughiom iigbo loor esi dị u/wạ mọ oghel bidị.—Ex 23:2.
Ika kụ idị yira kotue opamhaghạn ruuphuạ phọ ayira? Ewạ mọ oḍighi oomo ipẹ yira kotue bọ oḍighi araraạr dị eḅeraạn aZihova. (Mat 4:4) Yira olhọm kẹn olhoghonhaạn aḍighaạgh aZihova orue ophamhaghạn aruuphuạ phọ ayira. Eeghe kụ iḍighi? Loor esi dị odị kụ alhegheri iyaạr dị kinighenhaạn iyira, r’ilọ ogbaanyamhị aruuphuạ ayira dị ekpeanhaạn.—Ps 145:16.
IPOGH VIDIO PHỌ KA/MEERA AMUGHỊ APHIEMHI GHUḌUM ANẠ, KỤ EPHANYANHAẠN SIPURU PHỌ EDAPHẠN BỌ SIẸN:
Eeghe kụ iḍighi kụ abuniin awe ropughọl ghan bọ asigeret?
Ophughọl asigeret keḍighi nyinhạ eeghe iyaạr?
Eeghe kụ iḍighi kụ ipughọl asigeret i/nighẹ bọ?—2Kọr 7:1
Nạ katue ni akel eephuạ ophughọl asigeret!
Nạ kaḍighi ika kụ nạ ka/meel aḍighanhaan ipughọl asigeret obobọ atue abilhẹ ipughọl asigeret?