Iiḅereghị Ayira Emạn Maạr Esi AZihova

Iiḅereghị dị aZihova r’asighẹ ghan ekịgh idiphọ insẹns emạ eḍu phọ ogbor ghan bọ osụ siphẹ otu iiḅereghị phọ. (Ps 141:2) Mem dị yira oḅenhị Odẹ k’akẹ phọ ayira idị yira ophomhoghiạn oḅilhẹ r’osereghiạn nyodị, oḅenhị nyodị olhoghoma ayira r’idị yira rowạ, oḅilhẹ opuru ghan nyodị iiḅakiọm, yira roḍeenhaan ghan mọ yira omaghamhị ni maạr siya arighirị phọ ayira r’odị. Okạr agey, aZihova ramhiịn ghan iiḅereghị phọ ipẹ ekper bọ rongọ ghan bọ mem ituughạ idiphọ apakirị iiseeny ayira dị emhạn maạr. Toroboiperolbọ, p’eeghe idị r’eḅaalhamhị ghan olhoghi aZihova mem dị yira r’aloor ozu ekpom ayira kụ oḅaanhaạn nyodị esi eedoọny amem!—Pr 15:8.

IPOGH VIDIO PHỌ MỊ UROLHẠN GHAN ESI IIḄEREGHỊ, KỤ EPHANYANHAẠN SIPURU PHỌ EDAPHẠN BỌ SIẸN:

• Ighẹn aroopoogh arukumhuan kụ edị Umor phọ Johnson aghelhọm?

• Ika kụ idị Umor phọ Johnson abeḍenhọm aZihova esi iiḅereghị?

• Nạ atuughạ eeghe esi ipẹ emitenhaan bọ Umor phọ Johnson?