ORỌL GHAN ADỌL ONYỌ AKRISTẸN
Kparamhị Omheeraam Anạ Esi Ekpo-onhụ Phọ Enhaạn
Ekpo-onhụ phọ Enhaạn ketue ni enme ghuḍum mọ ayira. (Hib 4:12) Toroboiperolbọ, tutụ yira komhooghọm suọ iiḅakiọm mọ, ḅilhẹ r’iromoghiom mọ, pọ yira omhoọgh okuphom owol m’okạr agey aBaibul phọ ‘ekpo-onhụ Enhaạn phọ ni.’ (1Tẹs 2:13) Ika kụ idị yira kotue bọ okparamhị omheeraam mọ ayira esi aBaibul phọ?
Bạl ghan esi aBaibul torobọ aḍio. Iduọn nạ r’abạl bọ Baibul phọ, pogh ghan ni amhiịn riphigh dị eḍeenhaan mọ aZihova kụ amhoọgh Baibul phọ. Esi omaạm, ḅeeḅeghiọn iromoghiom mọ edi bọ ḍinyạ phọ aProverbs, r’osụ olhoghi phọ kotue bọ ni oḍighinhom torobọ oghiil.—Pr 13:20; 14:30.
Miigh otuughạ ghan aBaibul phọ. Kuamhị alhegheri riphigh phọ emạ bọ emiteom mọ Baibul phọ Enhaạn kụ aphum we kụ ogẹ. Kiạ siphẹ Research Guide for Jehovah’s Witnesses, aphogh emhuoghaạph phọ “The Bible” kụ aghị “Inspired by God.” Nạ katue ni akparamhị omheeraam mọ anạ mọ adom aBaibul phọ ke/nmia esi ooḅeghiọn iinhaghạn phọ edi bọ Appendix A3 siphẹ New World Translation.
IPOGH VIDIO PHỌ IYAẠR PHỌ YIRA OMHEERAAM BỌ . . . EKPO ONHỤ PHỌ ENHAẠN, KỤ EPHANYANHAẠN SIPURU PHỌ EDAPHẠN BỌ SIẸN:
Ika kụ idị iyaạr dị omhiịn iikpe otu iiḅereghị dị odi epẹ Karnak, Egypt, engọ okuphom owol mọ Ekpo-onhụ phọ Enhaạn inẹ ni?
Ika kụ idị yira olhegheri mọ adom aBaibul phọ ke/nmia?
Ika kụ idị ipẹ aBaibul phọ akpetenhaan bọ muphe eḍeenhaan nyinhạ mọ Ekpo-onhụ Enhaạn ni?—Bạl Isaiah 40:8