ORỌL GHAN ADỌL ONYỌ AKRISTẸN
Miịn Loor Anạ Idiphọ AZihova Amiịn Bọ
“AZihova amhoọgh ḍiḅeraạn awe phọ odị.” (Ps 149:4) Ghalhamọ r’iduọn yira u/munughan bọ, odị ramiịn ghan ni igey araagharạ phọ ayira ḅilhẹ r’idị yira kotue oḍighi. Eeni amem, re/dugh ghan omhoọgh emạ ephoghom asiloor phọ ayira. Yira rologhoma ghan ni mọ yira u/mạn maạr loor idị abunhọn awe uzoọm iyira. Obobọ, yira kotue kẹn ni ookia mughumọ aZihova akạr ri uphomhoghiạn iyira loor esi igbaany asipiomạn ayira. Eeghe kụ kilhoghonhaạn iyira ḍighaạgh mem dị yira rologhoma iduọn phọ?
Ka/bulha mọ aZihova ramiịn ghan ni kapelhe idị awe kotue omiịn. (1Sa 16:7) Iduọn phọ pọ odị alegheri raraạr ilọ ayira dị yira phọ raloor u/legheri. Enhighenhaạn bọ, aBaibul phọ katue bọ ni ulhoghonhaạn iyira ḍighaạgh olhegheri ipẹ aZihova rumiịn ghan bọ iyira. Yira kotue ni olegheri iphẹn phọ esi ooḅeghiọn ghan asiikpịgh aBaibul phọ dị eganhanhamhi odọ idị aZihova aphomhoghiạn rebenhẹ phọ odị.
IPOGH VIDIO PHỌ KUPHOM OWOL MỌ AZIHOVA APHOMHOGHIẠN NI NYINHẠ, KỤ EPHANYANHAẠN SIPURU PHỌ EDAPHẠN BỌ SIẸN:
Eḍeenhaan odẹ r’oọny phọ rakiil bọ eghiil phọ itughemhị iyira eeghe ilọ ipẹ aZihova ruphogh ghan bọ iyira?
Eeghe iyaạr kụ edị oye dị aḍighi igbogh ikarạph kụ magbariọm ni radạ phọ ewạ bọ onhighemhị asiya phọ odị r’aZihova kaḍuom olhoghi?—1Jọn 3:19, 20
Ika kụ idị onyọ umor phọ amhooghọm suọ aạl r’ogbiran ilọ aDevid r’aJehoshaphat?