AZihova Kụ ‘Odẹ Inyigọ Anmụny’

Torobọ alhạ, ibadị iḍoọgh rosopha ghan ni oḍighi arighirị aZihova. (Ps 110:3) AZihova akạr kụ amhoọgh ogbolhomhaam akị esi atorobọ onyọ anyinha. Odị anaghanhạn ni torobọ ipaanhaạn dị nyinha esoman kụ aguanhaan kẹn olhoghonhaạn anyinha ḍighaạgh okumu odị. Eru maạr dị odẹ obobọ onhiin bịn kụ raakonhom nyinhạ, pọ legheri mọ aZihova kụ ‘odẹ inyigọ anmụny.’ (Ps 68:5) Etigheri dọl eghunotu phọ anạ, itughemhị phọ aZihova kelhoghonhaạn ni nyinhạ ḍighaạgh omhoọgh ekol.​—1Pit 5:10.

IPOGH VIDIO PHỌ AWE DỊ ROBEANHAAN NI OMHEERAAM MỌ​—ANMỤNY DỊ ODẸ OBOBỌ ONHIIN BỊN KỤ RAPẠM GHAN KARUMOM ITUUGHẠ, KỤ EPHANYANHAẠN SIPURU PHỌ EDAPHẠN BỌ SIẸN:

• Nạ atuughạ eeghe siẹn areḍeenhaan phọ aTammy, Charles ḅilhẹ r’aJimmy?

  Your answer

• Oghẹn odọ oghaạph okpoomhiọm oḅio abuẹn odẹ obobọ onhiin bịn kụ raakonhom bọ kụ odi siphẹ Psalm 27:10?

  Your answer