APRIL 1-7
PSALMS 23-25
Aḍuọr phọ 4 r’Iiḅereghị | Oghaạph Oghughuronhom (1 okalhạ)
1. “AZihova Kụ Okoriom Amhị”
(10 ikalhạ)
AZihova kụ rurelhiom ghan iyira (Ps 23:1-3; w11-E 5/1 31 ¶3)
AZihova kụ rughoph ghan iyira (Ps 23:4; w11-E 5/1 31 ¶4)
AZihova rungọ ghan iyira eḍien (Ps 23:5; w11-E 5/1 31 ¶5)
Idiphọ okoriom dị amhoọgh ephomhoghiạn raphogh ghan bọ iyool phọ odị, ipẹ kụ idị aZihova ruphogh ghan iyira.
PURUAN LOOR MỌ, ‘Ika kụ idị aZihova muphogh imhị raloor?’
2. Imạ Araraạr Dị Edi Baibul
(10 ikalhạ)
Ps 23:3—“Areten elhiom eḍighinhom iyaạr phọ” pọ eeghe, kụ eeghe kụ kilhoghonhaạn iyira ḍighaạgh dị yira ko/gbọl p’eten phọ? (w11-E 2/15 24 ¶1-3)
Ighẹn imạ araraạr dị nạ amhiịn siẹn ibạl aBaibul awiki phọ kụ edị nạ rawạ oghaạph?
3. Ibạl ABaibul
(4 ikalhạ) Ps 23:1–24:10 (th ituughạ 5)
4. Omhiighom Oghaạph
(3 ikalhạ) ONGỌ OGBAANHAẠN DỊ U/GU. Ḍeenhaan oye dị amhoọgh ooḅaghamhiạn aloor ilọ asidọl aḅirinhi phọ esi aBaibul dị kekparamhị nyodị. (lmd esi ituughạ phọ 2 ekpịgh phọ 5)
5. Oḅilhẹ Ghan Oḅula
(4 ikalhạ) OḌUẠ OTU OGBẠ OTU. Miighom otughemhị aBaibul oye dị asighẹ brosọ phọ Kelhọm Ghuḍum K’agee-pọ! (lmd esi ituughạ phọ 9 ekpịgh phọ 3)
6. Oḍighi Awe Bumatuạn
Aḍuọr phọ 54
7. Oghel Eeruen Eḍọgh
(15 ikalhạ) Aruupuruan.
Iyool igạ relegheri ghan ni keḅilhẹ edạph eḍọgh okoriom abidị. Ḍierị phọ aḍighaạgh phọ, bidị rekiil ghan ni keḍuạ mem lọ enhaghạn eeruen eḍọgh. (Jọn 10:5) Iginha phọ kẹn, yira ronhaghanhạn ghan ni eḍọgh aZihova r’aZizọs, abukoriom mọ uphomhoghiạn bọ iyira ḅilhẹ yira kotue bọ ni obeḍenhọm. (Ps 23:1; Jọn 10:11) Kụ yira rokel ghan ni roḍọgh aruuruen dị rokparaghạ ghan odughe omheeraam mọ ayira ‘r’ikpo-onhụ iikelheghian.’—2Pit 2:1, 3.
AGenesis emhụ phọ iraạr ekaạph ilọ eḅẹl amem dị onhaghạn eeruen eḍọgh siẹn ade phọ. Dị aaghị odọ oye phọ odị aru bọ, aSetan aḅaanhaạn Iv dị eego esi ekarạph iyaạr bịn aakelheghi nyodị. Odị apu aḍighi mudị odị rawạ ghan imạ Iv, kụ alhọgh okpẹ ikpo-onhụ phọ r’arigbiom mọ aZihova. Dị eeph ni, Iv anhaghanhạn ni kụ ipẹ phọ iruom ni nyodị r’eghunotu phọ odị iboom imhinhimhiịn.
Rodon aSetan raḍighi ghan ni ilọ odị katue olhọgh iikia rokpom awe ilọ aZihova r’ookpomhoghan phọ odị esi olheenye ikarạph asiagbạ, igey dị oḅuaam okpẹ, ḅilhẹ r’ogbạ okpẹ. Mem dị yira onhaghạn eeruen eḍọgh, oghiil ghan osuma! Olher arurụ ongọ ghalhamọ r’ekulha amem bịn, loor eephuạ olhegheri obughẹ eḍighi ni ootor’osorominheen. ASetan o/ḅạ iboom ikpo-onhụ kụ aakelheghi bọ Iv. (Ge 3:1, 4, 5) Kuolọ kokaạph ika, eru maạr lọ oye dị yira olhegheri—oye dị uphomhoghiạn iyira ḅilhẹ rawạ ghan ni imạ ilọ ayira—rawạ oḅenhị ayira iinhaghạn dị i/tu inẹ ilọ ookpomhoghan phọ aZihova?
Pegh VIDIO phọ Oghel ‘Eeruen Eḍọgh.’ Kụ apuru ḍita phọ mọ:
Nạ atuughạ eeghe esi ipẹ aJade aphạm bọ raghaạph phọ onhiịn phọ odị u/ḍighi aani bọ onyọ ogbaanhaạn amiteom bọ?