APRIL 29–MAY 5
PSALMS 34-35
Aḍuọr phọ 10 r’Iiḅereghị | Oghaạph Oghughuronhom (1 okalhạ)
1. “Boom AZihova Oomo Amem”
(10 ikalhạ)
Ghalhamọ r’esi iiḅaghamhị bịn aDevid aboom ghan ni aZihova (Ps 34:1; w07-E 3/1 22 ¶11)
ADevid aabagaam ghan aZihova, ka/loor odị (Ps 34:2-4; w07-E 3/1 22 ¶13)
Abuphẹ onhaghạn ghan bọ ipẹ aDevid aboom ghan bọ aZihova umhoọgh ghan ni inyaạm (Ps 34:5; w07-E 3/1 23 ¶15)
Mem mọ aDevid akpetenhaan bọ ḍighaạgh Abimelech, 400 awe dị itooghị phọ aSọl i/ḅeeraạn utuonhọm ni nyodị epẹ edalhạ phọ. (1Sa 22:1, 2) Eeni awe phọ abuphẹ phọ kụ edị aDevid aatughiạn bọ kụ agẹ bọ ḍuọr phọ aḍiẹn phọ.—Ps 34, Igẹ dị edi anyụ esi aBaibul phọ.
PURUAN LOOR MỌ, ‘Oḅilhẹ oru ituughạ, ika kụ idị mị kaboom aZihova mem dị mị raḅaanhaạn oye?’
2. Imạ Araraạr Dị Edi Baibul
(10 ikalhạ)
Ps 35:19—Ipẹ aDevid alhọm bọ mọ ki/ḍighi idị abuẹn olọgh bọ nyodị ḍien “komepheghị” nyodị remạ ghan eeghe? (w06-E 5/15 20 ¶2)
Ighẹn imạ araraạr dị nạ amhiịn siẹn ibạl aBaibul awiki phọ kụ edị nạ rawạ oghaạph?
3. Ibạl ABaibul
(4 ikalhạ) Ps 34:1-22 (th ituughạ 5)
4. Omhiighom Oghaạph
(2 ikalhạ) ONGỌ OGBAANHAẠN DỊ U/GU. Tutụ r’esi esi ongọ ogbaanhaạn bịn oghaạph phọ anyinha asi eekunha. (lmd esi ituughạ phọ 1 ekpịgh phọ 4)
5. Oḅilhẹ Ghan Oḅula
(4 ikalhạ) ONGỌ OGBAANHAẠN DỊ U/GU. (lmd esi ituughạ phọ 2 ekpịgh phọ 4)
6. Gbạ Omheeraam Mọ Anạ
(5 ikalhạ) Oḍighi Oḍeenhaan. ijwfq 59—Emhuoghaạph: Ika kụ Idị Abugbaanhaạn AZihova Rolhegheri Ghan Bọ Odọ Eyaạl Dị Enhighẹ Olhe? (th ituughạ 17)
Aḍuọr phọ 59
7. Iraạr Areten Oboom AZihova Mem Dị Oghị Ituughạ
(15 ikalhạ) Aruupuruan.
Ituughạ arookpomhoghan phọ ayira ringọ ghan iyira eepoogh oboom aZihova. Ophogh iraạr areten.
Oghaaphạn Ghan: Kaạph ghan ilọ igey araraạr dị aZihova maḍighi mem dị nạ rakaaphạn bunhọn. (Ps 145:1, 7) Nạ unhaghạn ni obobọ aạl li iyaạr dị nạ amhooghọm suọ ḍughụm? Emạ iyaạr imite ni epẹ erugh phọ nạ aghị bọ? Oye aghaạph ni obobọ aḍighi ni iyaạr dị ekparamhị nyinhạ? Nạ uphoghoghom ni olhẹm dị aḅeraạn nyinhạ ḍughụm? Oomo phọ iphẹn phọ inmo dị aZihova kụ angọ. (Jems 1:17) Nuụn ghan asi pạ otu ituughạ phọ pidị nạ amoọgh mem oḅaanhaạn abuerị phọ awe phọ.
Ophagharanhaạn Aḍipuru: Kparaghạ ophagharanhaạn ghan ghalhamọ aḍinhiin aḍipuru mem dị oghị ituughạ. (Ps 26:12) Nạ katue ni angọ onyen ophagharanhaạn ekpịgh phọ obobọ akaạph ilọ enhọn iyaạr dị edi ekpịgh phọ, ilọ esi aBaibul, afoto, obobọ idị koḍighinhom iyaạr ituughạ phọ. Loor iduọn abunhọn kopoophe aani ghan bọ ni ḍighaạgh, pọ kookolhobian ibadị ariikpịgh. Eru maạr dị ophagharanhaạn phọ ayira u/pel 30 onyam oḅatạn pọ keḍighi ni idị ibadị komoọgh aani eepoogh “oboom ghan Enhaạn.”—Hib 13:15.
Asuọr: Moọr suọr Omhạr phọ roophugh. (Ps 147:1) Ka/torobọ aḍiọ dị nạ aghị ituughạ kụ edị nạ kamoọgh ghan eepoogh ophagharanhaạn aḍipuru, ekạr nuụn eḍighi idị ookpomhoghan phọ anyinha abụgh, kuolọ nạ katue ni aḍighan omoọr aani asuọr phọ. Ghalhamọ nạ ulhoghoma ni mọ nạ o/maạr omoọr asuọr, kụ nạ amoọr ipẹ nạ katue bọ, pọ kekuenhi ni aZihova! (2Kọr 8:12) Nạ katue ni aakolhobian esi otuughạ asuọr phọ olhoghiotu.
Pegh VIDIO phọ Ookpomhoghan Phọ Ayira Rakị Ni Ghisigh—Inmo Asuọr, Ekpịgh 1. Kụ apuru ḍita phọ mọ:
Mem mọ purukụ ookpomhoghan phọ ayira ramiigh bọ siẹn asiḍio phọ ayira, ika kụ idị yira oḍeenhaan mọ omoọr ghan asuọr oboom aZihova emạn ni maạr?