MAY 12-18

PROVERBS 13

Aḍuọr phọ 34 r’Iiḅereghị | Oghaạph Oghughuronhom (1 okalhạ)

ARUPHUA DỊ OSIGHẸ SIPHẸ EKPO-ONHỤ PHỌ ENHAẠN

1. ‘Otozị Abuḍighinhom Ikarạph’ Nyinhạ Kuu/kelheghi

(10 ikalhạ)

Abuḍighinhom ikarạph u/moọgh oḍuomolhoghi aghuḍum k’agee-pọ (Pr 13:9; it-2-E 196 ¶2-3)

Kaa/ḍikuan ghan we dị roḍighi ghan mudị ikarạph phọ kụ igey (Pr 13:20; w12-E 7/15 12 ¶3)

AZihova rasẹph ghan ni oye aruukuan phọ (Pr 13:25; w04-E 7/15 31 ¶6)

Asifoto: Osighẹ ikarạph araraạr dị oye dị u/ḍighi onyọ ogbaanhaạn asaḅạr oḍighi kụ otomaạm igey idị abuniin abumor osopha oḍighi. 1. Oye apạm miim ḍighaạgh rakerọm ghan iḅạ mem dị odi apati ḍughul. 2. Onyebel roten, odị mamheel e/moon rapughọl sirooghọ. 3. Abumor r’abumaranhi dị ookpomhoghan ogbạl adulhe roḍẹ oḍẹ. Bidị oḅophạn rokelhọm suọr, iḅạ, r’ariiḍien. 4. Ḍieriphọ aḍio phọ bidị momite epẹ erugh phọ. — Aghuḍum awe dị roporogh raraạr aḅirinhi phọ ra/dụgh ghan idiphọ eghịgh bọ. Kuolọ abuphẹ roḍighi bọ ogbi phọ aZihova kụ rokelhọm okạr ogey aghuḍum

2. Imạ Araraạr Dị Edi Baibul

(10 ikalhạ)

Pr 13:24—Ekpịgh phọ ephẹn phọ itughemhị iyira eeghe ilọ ephomhoghiạn r’amaliọm? (it-2-E 276 ¶2)

Ophagharanhaạn phọ anạ
Ighẹn imạ araraạr dị nạ amhiịn siẹn ibạl aBaibul awiki phọ kụ edị nạ rawạ oghaạph?

Ophagharanhaạn phọ anạ

3. Ibạl ABaibul

(4 ikalhạ) Pr 13:1-17 (th ituughạ 10)

SIGHẸ LOOR ANẠ ALHỌGH RUKUMUAN EPẸ ERUGH PHỌ

4. Omhiighom Oghaạph

(3 ikalhạ) OḌUẠ OTU OGBẠ OTU. Miighom oghaạph iyaạr dị emite siphẹ ekool phọ, kụ agbi oḍeenhaan oye phọ iyaạr siphẹ aBaibul phọ dị keḅeraạn nyodị. (lmd esi ituughạ phọ 2 ekpịgh phọ 5)

5. Omhiighom Oghaạph

(4 ikalhạ) ONGỌ OGBAANHAẠN DỊ U/GU. Mạgh oye phọ aru aani ituughạ. (lmd esi ituughạ phọ 2 ekpịgh phọ 3)

6. Oghaạph

(5 ikalhạ) lmd aḍipum 1 ekpịgh phọ 9—Emhuoghaạph: Anmụny Dị Rolọgh Ghan Eegu Koḅilhẹ Onhaghanhạn Odẹ R’onhiin Abidị Komoọgh Ni Ekol. (th ituughạ 16)

ORỌL GHAN ADỌL ONYỌ AKRISTẸN

Aḍuọr phọ 77

7. ‘Aḍiḅaạl Awe Aruukuan Phọ Esoor Wosooph’

(8 ikalhạ) Aruupuruan.

Ekpo-onhụ phọ Enhaạn epamhanhạm olhegheri iyaạr r’osụ-olhoghi dị anighẹ apelheghiom. Mem dị yira odaphạn, oḅaạl-olhoghi phọ ayira kabụgh ni ḅilhẹ aghuḍum mọ ayira kamoọgh ni ekol. Kụ iphẹn phọ eḍighi raraạr dị aḅirinhi phọ ka/tue ni bịn ungọ iyira.

Afoto dị osighẹ siphẹ avidio phọ “Aḅirinhi Phọ Ka/tue Angọ Nyinhạ Iyaạr Dị U/moọgh.” Umaranhi phọ Gainanshina atọl ude anyụ arooghọ kụ rapogh ghan anyụ akẹ.

Pegh VIDIO phọ Aḅirinhi Phọ Ka/tue Angọ Nyinhạ Iyaạr Dị U/moọgh. Kụ apuru ḍita phọ mọ:

Ika kụ idị ipẹ emitenhaan bọ Umaranhi phọ Gainanshina eḍeenhaan idị ‘aḍiḅaạl awe aruukuan phọ’ enhighẹ epu ‘otozị abuḍighinhom ikarạph phọ’?—Pr 13:9

Ophagharanhaạn phọ anạ

Ka/piemhi mem aatughiạn ghan ilọ omhoọgh araraạr aḅirinhi phọ ophọn phọ, obobọ aloghomha saị ilọ osopha dị nạ asopha dị angọ nyinhạ eepoogh okuamhị okumu aZihova. (1Jọn 2:15-17) Kparipẹ ghụn gbon ‘olhegheri iyaạr phọ amhoọgh bọ suọ apu’ nạ mamhoọgh bọ.—Fil 3:8.

8. Araraạr Dị Keloghonhaạn Ḍighaạgh Ookpomhoghan Phọ

(7 ikalhạ)

9. Ituughạ ABaibul Ookpomhoghan Phọ

(30 ikalhạ) bt emhuoghaạph phọ 26 ¶9-17; btq emhuoghaạph phọ 26 ¶9-17