Ilọ Ootughiạn Ariisi ABaibul

Rekparanhaạn ghan ni nyinhạ ootughiạn esi aBaibul dị eḅeraạn nyinhạ ḍughụm? Eeni edị eedereghị nyinhạ, elhoghonhaạn nyinhạ ḍighaạgh okpạr opu ikarạph iitughiạn, obobọ edị nạ rawạ oḍeenhaan aani onhọn oye. (Ps. 119:11, 111) Ooḅeghiọn iniin araraạr dị ketue elhoghonhaạn nyinhạ ḍighaạgh ootughiạn ghan ariisi aBaibul.

• Ḍighinhom gạ phọ oghol bọ mọ tag siphẹ JW Library^® app. Miteom elhegh kụ aghol mọ “Favorite Scriptures,” kụ alhọgh siphẹ phọ torobọ esi aBaibul dị keḅeraạn nyinhạ ootughiạn.

• Kạn esi aBaibul phọ esi dị nạ kamiịn ghan. Gẹ esi aBaibul phọ nạ rawạ bọ ootughiạn phọ loor opoḍi aḍinyạ, kụ adapharị esi dị nạ kagbor ghan amiịn. Abunhiin rodapharị ghan loor atamaḍiki, abunhọn loor eghuugh afrige abidị. Kụ abunhọn rosighẹ ghan afoto esi aBaibul phọ kụ olọgh loor afon obobọ akomputa pidị torobọ amem dị bidị okagharạn, bịn omiịn ni.

• Poghọgh ipoḍi arinyạ dị keḍighi idị nạ kanuụn aatughiạn riisi aBaibul. Gẹ esi aBaibul phọ alhọgh oniin agạ, kụ aḅilhẹ agẹ ipẹ esi phọ eghaạph bọ alhọgh onhọn agạ. Kụ akparaghạ osighẹ esi aBaibul phọ ootughianhạm ipẹ esi phọ eghaạph bọ, obobọ asighẹ ipẹ esi phọ eghaạph bọ aatughianhạm esi aBaibul phọ.