A Jizọs Ạtuugha “Ọnaghanan” Ghan

Eḍighi bọ ẹdi a Jizọs amhiigh bọ ni ọnhaghanhan a Jehova egbi k’amem mọ ọlhem bọ nyọdi, eeghe kụ iḍighi kụ ạ Bạịbul phọ ạḅem bọ mọ: Ọdi ‘ạsighe ni ịminimiin phọ ọdi ạtuughaam ọnaghanan’? (Jọn 8:29; Hib. 5:8).

Mem mọ a Jizọs ạrol bọ sịen ade phọ, ọdi asoman ni sịdol dị ílo ẹpe k’ạke. Esi ọmaam, ọde r’onhiin dị úmunhughan kụ uukonom nyọdi. (Luk 2:51) Ọdi ạmhiinhom ni ḍịghaagh abuḍiemhiom ạruuku ịiḅereghi r’ạbuo ịtooghi phọ. (Mạt. 26:59; Mạk 15:15) Kụ ịdi ẹpelhom pạ, “ọdi asooromi ni loor ameeraam omugh aḍuugh egbo sịphe oreeny phọ.—Fil. 2:8.

Esi ịduon phọ, ạraraar phọ a Jizọs ạmhiinhom bọ ịtughemhi nyọdi emhoom eten ọnhaghanhan ghan a Jehova sịen ade phọ. Ịphen phọ iḍighi ịdi ọdi aḍighi Uwo ẹmhu r’Ogbogh Ọpinyon Rịkia dị ạmhoogh igbiririph kụ rụseenyan ghan iyira. (Hib. 4:15; 5:9) A Jizọs ạbughe ịpe ọdi ạmhan bọ mạar esi a Jehova mem mọ ọdi ạtuugha bọ ọnhaghanhan esi ịmhinhimhiin phọ ọdi asoman bọ. A Jehova kụmhaghamhi ni iyira mạar kẹn ạḅilhe ụsighe iyira aḍighinhom tọrobo oḍighi eḍighi mạar dị yira ọghiom ghisigh ọnhaghanhan ghan nyọdi ghạlhamo r’amem dị yira osomhan ịiḅaghamhi.—Jems 1:4.