Ọghaaph Ookaragh Ẹkpigh Phọ 4

Ẹkpigh phọ ẹphen phọ, yira kọtuugha ịlo a Josẹf, Job, Mozis r’awe phọ Izrẹl. We phọ ạbuen phọ, Eru phọ ạkom ni ịiḅaghamhi kịrokiro ạngo. Buniin usophonhaan ọkaraph ọoruen, ọlhogh ikoli, bụnhon ụrol dọl ạrebenhe, kụ buniin ọze. Ghạlhamo r’ịduon phọ ni bịn a Jehova aghoph ni bịdi. Bụrude r’aburunhiin, ịloghonhaan ḍịghaagh ịbam ạnmuny phọ anyinha ọmhiin ịdi ạrebenhe phọ a Jehova ạbuen phọ ọghiom ghisigh oḍuom olhoghi nyọdi ghạlhamo r’amem dị rọmiinhom ni.

A Jehova ạsighe Ḍioph Ạraraar Ạlhiom We Phọ Ijipt, oḍeenhaan mọ ọdi kụ ạmhoogh ịikpo apu rụmhugh phọ Ijipt. Bụrude r’aburunhiin, ịloghonhaan ḍịghaagh ịbam ạnmuny phọ anyinha ọmhiin ịdi a Jehova aghoph we iḍiodi phọ r’ịpe ọdi rakoph ghan bọ we phọ ọdi rodon.