Itu Osiịny Eegbolhom Mọ AZihova

1. Ḅariọn riḍien amhiịn:

Eegbolhom m’aZihova

Mephoph epelheghiom

Oomo ph’aroogbolhom mọ.

Awe moḍuạ rotu;

Kụ romạgh aani bunhọn

Pidị bidị‿oḅophoghạn

Okumu‿aZihova.

Muẹn amem m’oguan bọ

M’ebạm eelhe phọ keten egbogh.

Aḍisẹph phọ k’Enhaạn

Meganhanha dị yira romiịn.

Kụ‿aḍigbogh aḍita

Moru‿okumu‿aZihova;

Opomhoghiạn ni nyodị,

Kụ koḅạr ri nyodị.

2. AZizọs Kraist matọ

M’oghị‿ogbeelhom dom m’Enhaạn.

Rodon abukaaphọm

Mogbạ dom m’oleenye elheeny

AKraist odi k’akẹ

Dị marolhọm agadạ.

Awe mosooromhi loor

Odạph itọ ph’odị.

Yira robo n’iduọn

Arebenhẹ ph’Enhaạn robụgh bọ.

Oomo ph’ayira kụ

Kologhonhaạn bọ bidị ḍighaạgh.

Olọ ghan omiteom,

Oomhaghạgh weye moru

Orọl siẹn eegbolhom

M’aZihova k’agee-pọ.