ẠḌUOR PHỌ 34
Ọḅar A Jehova Bịn
(Psalm 26)
1. Seseeny Ọde, tụutughian n’ịpe mị
mạḅar bọ‿oginha‿ạna kụ‿asoph ọoruen ph’ạmhi.
Nạ bịn kụ‿ẹdi mị maḍuom olhoghi.
Mạar ụuḅeghion ịmhi, kụ‿aalemhi‿esi lọ‿ẹwa.
(OMHEERAAM)
Ẹlo‿ẹlo‿ạmhi, mị kạḅar nyịnha bịn.
Kụ mị kaḍighi ni tọro‿ịlo nạ mạghaaph.
2. Oomo‿ạbuphe roḍighi ghan bọ‿ịk’raph
r’awe‿ịyal asinem, ukia n’ịmhi‿ooḍikuan.
Seseeny Ọde, mem dị n’aru‿ophiemhi
ạbuk’raph awe phọ, ịmhi kụ́ḅaram wo.
(OMHEERAAM)
Ẹlo‿ẹlo‿ạmhi, mị kạḅar nyịnha bịn.
Kụ mị kaḍighi ni tọro‿ịlo nạ mạghaaph.
3. Mị‿ạpomhoghian ịserereeny iiseeny,
mị‿ạpomhoghian ni kẹn otu‿ịiḅ’reghi ph’ạna.
Kụ mị kạmoor aboom ghan ḍien ph’ạna,
atelhe‿akitonhom ẹkpan iigbia ph’ạna.
(OMHEERAAM)
Ẹlo‿ẹlo‿ạmhi, mị kạḅar nyịnha bịn.
Kụ mị kaḍighi ni tọro‿ịlo nạ mạghaaph.
(Mịin kẹn Ps. 25:2.)