ORỌL GHAN ADỌL ONYỌ AKRISTẸN
Idị Ekpẹ Ozọ Siphẹ Onhụ-Aḍibuo Phọ
Abugey aKristẹn okịgh we dị odi esi “ogbo” dị aḅirini kụ ropogh. (1Kor 4:9) Esi iduọn phọ, rewạ ni dị yira komiigha loor mem lọ yira omite oghaạph ilọ iiḅi iinhaghạn phọ. Esi omaạm, ibadị aruutu omooghọgh ni raraạr, obobọ riisi dị kotue ni otọl epẹ olhoghi otu phọ abidị, bịn omiịn ilọ remite epẹ onhụ aḍibuo phọ r’erugh phọ abidị. Loor esi iduọn phọ, yira kooḅeghiọn reten dị enhighẹ ghan ozọ, mem dị yira odi onhụ aḍibuo oye.—2Kor 6:3.
EZỌ PHỌ ANẠ (Fil 1:27):
Lọgh eegu dọl ibooghiạn uwotu phọ. Ka/ḅilhigha yogh ghan otu lọ nạ akar. Ka/le iyaạr, apughọl iyaạr, azuughị obobọ aḅaanhaạn oye fon, mem lọ nạ amheerạ siphẹ onhụ aḍibuo uwotu phọ
ESI IKPO-ONHỤ (Efe 4:29):
U”kaạph ghan ‘yaạr dị nạ ka/wạ mọ uwotu phọ anhaghạn, mem dị nạ odi siphẹ onhụ aḍibuo phọ odị. Kenighẹ ghun ni osophe araghaạph dị opọ r’anạ retelhean bọ rekaạph, pidị nyinha eetughiạn ghan ilọ oghaạph, mem lọ uwotu phọ amite