Orophomhi Asighalhanyạ Phọ Ayira epẹ Erugh phọ​—Oḅilhẹ Oḅula

IYAẠR PHỌ EMHẠN BỌ NI MAẠR: Ibadị abuphẹ roḍeenhaan ghan bọ ḍiḅeeraạn dom Omhạr phọ rowạ ghan olhegheri igey phọ ilọ Enaạn. (Isa 55:6) Orue olhoghonhaạn abidị ḍighaạgh, pọ yira koḅula ghan mem etum mem opogh bidị. Awe ogbaranhaạn ni, kụ iḍighi kụ eten phọ yira kologhonhaạn ghan bọ bidị ḍighaạgh kegbaranhaạn ni. Toroboiperolbọ, yira kotue ologhonhaạn bidị ḍighaạgh eḍighi maạr lọ yira omhaạr ghan ookolhobian agey, obọ yira omoọgh emhoom iyaạr otughemhị abidị torobọ amem lọ yira oḅilhẹ oḅula, r’iitughiạn omhiigh ituughạ aBaibul.

IPẸ YIRA KOḄILHẸ GHAN BỌ OḄULA:

• Kparaghạ ghan onhuụn oḅilhẹ oḅula, esi iyạl-ikpo aḍughul otu bịn.—Mat 13:19

• Ḍeenhaan ghan ogbolhomaam ḅilhẹ r’olhọgh eegu. Kụ aphoomhị ghan oḅio anạ

• Miighom r’aḍiyịgh. Kụ amhạgh oye phọ. Ḅenhị nyodị iyaạr phọ eḍighi bọ kụ nạ aḅilhẹ bọ aḅula—eeni ophagharanhaạn aḍipuru, ongọ odị omhoom aMagazin, oḍeenhaan odị websaịt phọ ayira, oḍeenhaan odị vidio, obobọ otughemhị odị Baibul. Nme oghaạph phọ, eḍighi maạr dị odị aḍeenaan ḍiḅeeraạn aghị esi enhọn emhuoghaạph.—Fil 2:4

• Ḍighi iyaạr dị igey phọ nạ azụph bọ pạ ekpom mọ odị kepoph, esi osighẹ ghan aBaibul phọ kụ oḍighinhom obobọ rinyạ phọ ayira. (1Kọr 3:6) Kparaghạ oḍighi idị araghaạph iyạl anyinha keḅọph

• Kaạph eten dị kemiteom eepoogh oḅilhẹ oḅula