Kee/ḅaghamhiạn Ghan Loor

Siphẹ oghaạph phọ AJizọs pạ anyụ eeḅarạph phọ, odị aḅẹm mọ: ‘ke/kol ghan sighuḍum mọ anyinha eeḅaghamhiạn loor.’ (Mat 6:25) Ghalamọ idiphọ eḍighi bọ ni iyaạr eseeriom dị awe e/munughan kooḅaghamhiạn ghan bọ ni loor siẹn aḅirinhi ph’aSetan eeni amem, aJizọs atughemhị bumatuạn ph’odị mọ kuu/ḅaghamhiạn ghan loor iboom. (Ps 13:2) Eeghe kụ iḍighi? Loor esi dị oboom ooḅaghamhiạn aloor, ghalamọ r’ilọ iyaạr olhe elọ aḍio phọ, ketue ni isophoghom iyira ophụr owạ Omhạr phọ. (Mat 6:33) Ipẹ aJizọs aḅilhẹ bọ aghaạph kilhoghonhaạn ni iyira ḍighaạgh owilhẹ ooḅaghamhiạn ghan aloor dị u/kpeanhạn.

• Mat 6:26​—Yira kotuughạ eeghe esi ophogh ghan okiririom inhụn phọ? (w16.07 9-10 ¶11-13)

• Mat 6:27​—Eeghe kụ iḍighi kụ ooḅaghamhiạn aloor dị u/kpeanhạn aḍighi bọ oroph amem r’inyaạm? (w05 11/1 22 ¶5)

• Mat 6:​28-30​—Yira otuughạ eeghe esi asifalawạy phọ? (w16.07 10-11 ¶15-16)

• Mat 6:​31, 32​—Ighẹn odọ areten kụ edị aKristẹn ogbatanhaạn r’abuọ areelhe phọ? (w16.07 11 ¶17)

Mị kabilhẹ ooḅaghamhiạn ghan aloor ilọ